學校化妝舞會

今日小檬學校舉行化妝舞會，

之前卡通人物生日party買嘅巴斯光年衫又可以出場喇！

去例位影張相先！

一飛衝天！！！
之前果次都唔肯帶頂帽，今日就肯喇。。


呢排愛上妹妹送上校車。。唔係唔肯行，真癡纏
呀妹鞋都冇著就行

今次媽媽幫佢聯吓整短啲條褲。見多啲綠色邊

(順便呻吓，呢排好忙，要為舅父婚禮安排好一家大細嘅outfit，

尋晚去完fitting之後返嚟都未食飯，就比小檬點燈陪瞓，

出返嚟已經十點幾，食咗啲野先幫小檬聯好條褲，

攪掂已經11點幾，呢個時候呀妹又醒咗。。。。暈)

個個小朋友都好有心思呀！！

今日佢地應該玩得好開心喇！

著咗呢套衫真係咩唔到書包，
唯有靠學車EE幫吓手，

希望放學唔好唔見咗啦!


放學喇。。睇佢個樣就知道佢地玩得好開心

B be 笑爆咀

之前成日比某某哥哥話B be 1 號表情

。

。

。

咪就係呢啲天然呆表情囉

8個月後 突然多咗好多表情!! 

呢日媽咪餵佢食粥粥 

同佢玩吓，就笑到咁嘅樣！

eee.eeee.eeeee

好容易就笑到吖大個口

再大啲先

wahaha.... 

笑到開始失控，就嚟笑爆咀喇 

見到佢笑得咁開心真係咩煩惱都唔會有!!

做功課

小檬學校每縫星期五都有功課簿派返嚟做，

星期一就帶返學校。

其實都唔係啲咩功課，都係啲貼吓畫吓油吓咁。

每次佢都好鍾意做（要keep住先好）

嬰兒的我VS現在的我

貼相片

比佢搽膠漿，貼上去，easy job!!

聯線~ 眼睛..耳朵..口...鼻

佢都聯得好好吖

冇話一定係一直線架嘛

(電波一樣,  =D)

完成!!

由於唔難，每次我都比佢自己做，貼歪呀，出界呀都唔緊要，

最重要養成良好習慣等佢知道功課係要自己做嘅

唔好吓吓要我出馬。

媽咪呢，遲啲要去shopping 做facial架嘛。。。

wahaha!!

做完就扮瞓！

Good Night!

介片後落街

做媽媽真係好多開心緊張嘅濕星事想分享。。。

話說呢個星期算做介咗片，就算臨瞓著咗片佢想wee wee都會出聲，

唔會去落片片到。

呢晚放工食完飯落街噤錢就同埋小檬落啦，

咁點呢，著唔著片呢？一陣間咋喎。。應該冇事嘅！

於是就戰戰兢兢咁同佢落去喇！

原來拖住個啱啱介好片嘅小朋友落街係好大壓力架！

佢就懶型咁~ 

雖然臨落之前去咗一次，

不過有時真係估佢唔到架嘛～

噤完錢本來話去吓超級市場，不過媽咪我真係有少少淆，

於是都係走人。其實如果佢要wee都可以去酒樓嘅，

不過我好驚佢趕唔切呀。。

C啦，落樓吓都咁，點樣出去威呀？ 

食

如果曳嘅滿分係十分，我比小檬係兩分，

佢大部分情況吓都好乖，冇咩扭計，扭抱，扭買玩具

（見到玩具會話媽媽下次買呢個，唔係話而家買）

叫佢做野都大部分會到，雖然有時會好多野講。

同我啲朋友或者小朋友相處都好乖，

唔會推人／唔會篤人隻眼／唔會打人／唔會咬人

（近排接觸過呢啲小朋友，好得人驚），

叫佢叫人／抱抱／錫錫（當然同親人）

都好樂意，唔會麻麻煩煩。

會愛護書本，唔會撕爛，或者用筆畫花。

屋企叫佢幫手，好快就幫。

出街會拖住手，唔會fing開（唔多人我地比佢自己行）

兩歲大半喇，Trouble two都係出現過兩三次。

講咗咁耐，應該知道有啲曳野講吓，

食~

係佢最大嘅致命傷!!!

係咪講我呀？

佢食野超級唔專心，不停咁講野，問東問西。

如果食物鍾意嘅，都好啲，會講兩句，食一啖，

其間仲要不停咁提佢！

筆一更，又講 ，又筆得唔好（算）

跟住又走咗去。我地已經話唔食，行咗去會收飯，

佢又走返嚟話  "唔好呀~ 食呀食呀" 

發呆中

跟住個循環又嚟過，我們又會計時，

等夠鐘就收，如是者，一餐飯會收三.四次，

到真係收咗唔比佢，佢又爆喊！！

試過真係收咗唔比佢食都真係冇咩問題，

唔會叫肚餓。當然我地都唔比婆婆開奶佢食。

鍾意食嘅都咁，唔鍾意食嘅仲麻煩！

講多兩講真係發哂火！！！

呢個時候又會話要婆婆（梗係啦，救星嘛）

又話飲水，又呢樣果樣!!

自己屋企有時都好啲，會乖乖食

一出街或者去朋友屋企就敝，

食兩啖就話飽飽，唔肯食。

有時我都冇咁好精力，算！！

婆婆聲稱佢中午果餐食得好好喎，

有冇隱瞞呢？我有所保留！

究竟有咩辦法可以改善呢？

我已經為咗呢part火咗好多次！

小檬介日片成功!!

小檬總算叫介日片成功喇！！！

之前喺學校反而未得，可能唔敢同老師講，

排隊去廁所時又冇去到，不過今個星期已經十拿九穩喇！

尤期係屋企，一Wee完就會叫我地去睇，

有朋友嚟更加積極去完叫人睇。

啲親戚朋友都要同佢一齊去睇過先得，唔hea得，

不過個個都咁錫佢，梗喺讚哂佢啦。

佢而家喺街有片都會同我地講要去Wee Wee。不過有時就報假案。

當然我地唔敢唔同佢去，佢肯開聲肯去已經好好。

夜晚仲未介，應該要遲啲先，

不過有晚姐姐話佢朝早好早起身落床自己入廁所仔Wee，

Wee完就上返床瞓。

唔知點解我會問佢點樣Wee Wee，我諗你問我都唔知道點答，

不過佢居然識答喎。。真係笑C我呀。。。哈哈哈哈哈哈

介緊片嘅媽媽們，真係唔可以心急。

心得就唔講得喇，小小都可以分享吓

之前未除片，換片佢講好臭，扮比佢聞吓，

所以大個仔唔可以去落片片到。

返咗學，會容易好多。家校同步好重要，

學校會安排有有規律同佢地去，

初頭小檬都係冇去嘅，而家習慣咗就可以去到。

著住片片，之前都冇咁快諗住著底褲仔，所以冇準備，

不過老師話可以等佢著片片出面有條底褲習慣吓，

於是即刻走去買，如果大家見到啱就可以買定喇！

褲就唔可以著扣鈕款嘅，要像筋褲頭，

等佢可以自己著同除，嚟緊會買褲嘅媽咪留意喇！

我覺得個廁所仔如果有位買得過，起碼而家可以自己行入去

自從買左廁所仔之後，喺屋企不停提住Wee Wee

要去廁所／去青蛙仔到，

呢句說話我都唔知道自己講咗幾多次！！

除褲之後Wee Wee完同我地講就洗手。

有日婆婆話佢仲幫手倒Wee Wee 添，當然越幫越忙啦。。。

介片史重溫: 

V 。 V  33M

零入球 29M

兜兜 29M

拉婆婆去Poo Poo 16.5M

poo poo 小新進展 16M

學習自行如廁 ～ 認識 we we 15.5M

poo poo ~ 15M

B be 衫買買買~ 2

對於我, 生女最大嘅使費就係買衫！

B be都未夠一歲，都唔知買咗幾多轉！

B be 衫買買買

屋企著嘅衫都大部分都係著返哥哥嘅，

出街就買多兩件替換（邊止兩件吖！！）

小檬哥哥果時有RB粥粥啲sample，到B be 而家冇得賣喇，

開始諗要買啲冬天衫, 爸爸同事又拎咗袋衫仔比我地

佢地供應咗B be唔少衫！ 

感激！！！

雖然係咁，行過都忍唔住買買買，

因為部分已經有供應，

所以自己買嘅時候我都唔係好肉痛

爸爸同事Sample 

淨係褲仔都7~8條

再買~ 

原來我咁鍾意買花

呢件雞仔大減價，四百幾賣百幾，忍唔住

再買Z家

雖然小檬都有鞋仔，不過呢對係我至愛嘅瘀粉紅色

小檬都有，近期佢鍾意嘅恐龍Tee

同方便VV嘅橡筋褲頭褲

大細超嘅情況麻煩唔好同我當事人講!! （o殊。。。)

B be @ 8 Months

B be 8 個月喇!!


瞓

今個月要頒個最佳進步獎比B be呀!!
佢食完最後一支奶就一教瞓到大天光喇！
雖然間唔中一兩日都有醒吓，
不過都已經好過上兩個月好多喇！！
（因為咁我瞓得好咗又肥咗，嗚嗚～）

食
一日三至四餐粥，中間再食奶，
佢好似食極都肚餓咁。茶點都有食吓水果。。

下面有兩隻牙仔喇，上面都出緊，出得快過哥哥

活動能力

已經扶住起身喇！
抱住佢隻手唔會停落嚟，咩都要攞。

有時心情好會吖吖聲。雖然比起哥哥cool d，
不過同佢玩都好鍾意笑，

唔知點解佢好似識分邊啲係自己啲玩具，
佢就偏唔玩。走去玩哥哥啲玩具。

之前小檬冇話特別黐邊個，B be 呢就黐我／姐姐／婆婆，
佢嘅前世情人呢，應該未發展到感情。

今個月其他人抱都冇咩問題，不過唔可以太耐，
唔通女仔細膽啲？？

重量，冇磅過，應該有重咗

拉高咗少少，冇咁肥妹，有啲12M衫已經啱著=_='


舅父就結婚喇，媽媽買咗個人頭飾比我，
不過大得滯 


又有新衫仔




貪玩B be


食到呆咗


媽媽終於有時間攞架相機出嚟喇

happy girl

 

happy girl  x2 

睇我pat pat訖得幾高

happy girl 又天然呆

開心到吖大個口

公仔一樣

笑笑嘅公仔

和媽媽花花母女裝

錫錫哥哥 my brother

第一次一家去旅行

my happy family

出走澳門生日遊~3

第二朝梳洗好就準備食早餐喇，是日媽媽生日，

兩隻豬仔第一次同媽咪一齊過生日

攬住佢地已經係最好嘅禮物！！ 

My little Girl

吸取經驗，趁未開始就快啲食早餐先！

B be都食飽飽，應該都會乖乖。


Fiona  

偶像出場 

我仲係唔知佢地係邊個

Kung Fu Panda~ 小檬都一齊打功夫

B be好乖，姐姐同我都可以享受食野同公仔影相

個show同上次冇咩分別，短時間唔再嚟喇

食完之後就check out喇。

約咗個uncle/auntie食lunch
行去隔離嘅酒店，好耐冇出現嘅平衡又出場喇


食完點心

估唔到老公又安排咗個蛋糕呀！！

 呢個好好食呀～tks 仲有你嘅禮物！
小檬唱完最好聽嘅birthday song之後就食蛋糕。

staff好好，主動幫我地影相，仲話如果行李多可以放喺佢地到，

相對尋日果間話我地冇confirmation嘅老牌子酒店，

呢啲外國嘅季節酒店真係唔同啲。

uncle地車我地到大三巴
原來車可以直接去到大三巴則邊落車，

小檬同B be其實都極度眼瞓，一上到uncle 車就瞓咗。。。

姐姐同妹妹都係第一到澳門，於是循例都帶佢地去大三巴！
不過由於兩個都瞓咗，我地唯有入博物館唞吓。

行咗大約二十分鐘，小檬就醒，拿拿臨影返張相留念就算。
B be好興奮，不停吖大個口!

原本想去食我最愛嘅坤記牛尾飯，
點知逢星期二休息！！！！

再去都冇咩地方可以去，大家拎住行李到累，
B be 又肚餓要搵地方食奶

於是求其坐低飲杯野。。。

再行去新麗華酒店搭shuttle bus 過返氹仔其一間酒店

（因為送嘅船飛係氹仔碼頭） 再轉shuttle 去碼頭

搭船時候其實B be 已經好眼瞓，唔知點解佢好心野，
唔肯瞓，好在成程船都企吓坐吓郁嚟郁去未有喊，
不過到差不多落船就喊喇。。。佢唔鍾意喺一地方度唔行，唔郁，
我唯有咩起佢企吓，船已經拍咗岸，乘客已經排隊等落船，
呢個時候佢地喊到拆天，全部人都望住佢啦。。。
已經拍拍，氹佢，攬住，我都唔知道做啲咩可以叫佢唔好喊。
那邊廂我嘅小檬其實亦係爸爸攬住瞓咗，爸爸幾經辛苦咩好哂背囊，
先再抱住佢先可以落船。B be 喊喊吓，有個EE係則邊同佢玩，
突然間又笑到卡卡聲。。。真係佩服佢嘅情緒可以起伏得咁快！！

過咗關，去攞車，爸爸去整拍車優惠，唯有放最低小檬，
企咗一陣嘅佢突然間話要我抱！！
小檬咁耐都未試過扭抱，我就知佢真係好累。
我已經咩住B be 不過唔忍心見到佢咁，
唯有都照抱一抱住佢啦。

姐姐幫手影低呢一幕慈母

返到屋企同啲小朋友沖哂涼先煮我地嘅公仔麵大餐！

後感:
事前已經問姐姐唔介意我地一家大細一間房，再加張BB床。
爸爸媽媽同小檬一張床，姐姐一張，雖然小檬都轉嚟轉去，
不過都算瞓到，一晚將就吓啦

B be食物同之前1小檬1個月去澳門一樣，第一日煮定粥仔，
食到夜晚，再加奶。
第二日，食奶同Baby food，之前小檬試過和光堂果啲唔like
所以今次買咗啲organic香蕉果蓉/beef

B be好鍾意。

除咗食早餐睇show啱小朋友玩之外，其實澳門不外乎賭同食，
就唔係太多野啱小朋友玩（今次冇去滑草）
不過勝在近，對比大陸，都乾淨安全，我地又有朋友接待吓見吓面。
試吓湊兩個出外嘅感覺，平時出街已經三抽二lung，
今日我地一人一個人背囊，加一個BB袋，
最後又加多一袋禮物！

冇推BB車，覺得摺嚟摺去好煩，呀B be有時又唔肯坐，
於是我孭B be，到第二日行完大三巴冇咩特別已經好累。
因為B be比小檬扭計，所以預咗出去會可能麻煩啲，
不過可能又大個女咗啲，又冇我想像中咁差，
只係落船同喺餐廳都眼瞓唔肯瞓！（哈..已經夠）

總結嚟講，雖然辛苦，
但我都會繼續帶佢地周圍去玩，看看這世界！ 

<完>