故事爸媽@小檬K1

上年小檬N班已經試過做故事媽媽，話咁快K1又有喇。。

可能唔係第一次，冇咁緊張，呢個星期又超級忙嘅我，

未到最後一日都唔係好記得呢件事 =D

前一晚，終於要準備一吓。。之前買落本書，都幾好笑，又有教育意議，

好啦，就講呢本

衝衝衝超人

練習嘅時候，諗如果有啲小攪作應該會好啲。。。

臨急臨忙，三更半夜. 

根本冇時間買材料整~ (亦唔想買)

於是偷小小時間晨早喺公司整。。。15分鐘攪掂哂

我好簡單咁喺兩次邊貼雙面膠紙，

預備埋個搣膠紙口，唔使到時咁狼狽。

其實我都未係好試真面具啲大細啱唔啱，只係自己試咗都差不多，

就整個細啲啲嘅比小檬，如果早一日就可以比小檬喺屋企試，

不過我咁遲先整，又點知今個星期突然間咁繁忙...

故事時間咁啱係我Lunch time. 於是用咗10分鐘食個飯

 (之前太忙未預先熱定飯，結果食暖飯，嗚嗚。)

爸爸喺大陸趕返來接我一齊去。

趕頭趕命咁到學校

老師會安排小檬出課室門口接我哋入去，

然後老師就介紹我哋比小朋友

小朋友會叫"叔叔姨姨午安"

同小朋友打個招呼就開始

好在我都唔一定要講普通話，可以用返廣東話講

呢本書講主角做咩事都慢條斯理

唔到最後一分鐘都唔起身

發現自己遲到之後

就會帶上面具之後，就變成衝衝衝超人

道具組同事準備拎道具

我講到主角變身衝衝衝超人嘅時候，

我就邀請咗小檬出嚟，

我哋三個一齊變成

 衝衝衝超人 哈哈哈 ~ 

我見到小檬個樣都忍唔住笑

變身嘅時候，檬爸好猶疑咁問 "我都要變呀？？"  

搞到老師都笑埋一份

好在啲面具尺寸都差不多，不過我果個好似細咗啲 =p

 衝衝衝超人最後梗係又遲到，又跌倒，又唔記得帶野，唔開心

呢個時候" 準備好超人出場"

 小朋友覺得小檬好得意

係咁指住話:

好得意呀小檬

好得意呀小檬

好得意呀小檬 

non~stop......果一刻小檬好受歡迎

你睇佢幾開心

故事完成之後就解釋比小朋友知, 要做準備好超人....bla bla bla...

最後，我就問小朋友，大家想做邊個超人呀???

點知有啲小朋友應該未明，

仲係話 衝衝衝超人

哈哈哈

雖然短短幾分鐘，不過我都好享受呢個體驗！