9.01.2015

跆拳道升級試

小檬5月頭開始學跆拳道,到而家差不多學咗4個月
上個月收到呀sir通知可以升級試~ 考黃帶~

我諗小檬都未係好識咩係考試,
不過我都照講佢知升級試,要佢背好跆拳道精神/跆拳道意義。
上堂做開嘅動作都係之前一晚練習一吓,唔想比太大壓力佢

星期日就去考地點喺鯉魚門體育館。
小檬食完晏上車就瞓,
只係瞓咗半個鐘就要摷醒佢同佢換衫,上去報到。
呢吓動作真係超級危險!!!
雖然小檬平時被摷醒都唔會點發脾氣,不過近排紀錄差啲,我都好驚!
好在都好順利叫醒佢換衫冇扭計 (thanks 小檬! ) 
落車見到啲師兄弟都即刻醒神啲。
第一次初嚟報到,好多人,都唔知去邊到登記。
好在後來撞到一齊學嘅小朋友同佢父母,
我地就跟住人一齊排隊入場館。


小檬第一次考試,我地全家當然到場支持啦


入得喇~
考唔同級別的小朋友一齊喺同一個館,
有百幾人再加埋家長,我諗都有三四百人

搵個位企好影張相都難

根據考帶級別排好隊,小檬最細粒,企最前 =___=


總教練問小朋友嚟做咩。。。答案應該係考升級試


之後同小朋友訓話


講跆拳道精神/跆拳道意義
即刻企直


小檬好留心亦即時進入上堂嘅狀態


臨離開妹妹豬比個愛的抱抱
鼓勵一吓哥哥


難捨難離

情深對望o錫手手

小檬冧妹妹確有一手!

考試開始, 家長們就要離開會場,
兩個鐘後先返嚟接佢


有啲家長們喺門口裝吓裝吓,不過好快玻璃門都被布封住
我地就喺附近行吓,對上一次黎鯉魚門都唔知幾耐,
於是同妹妹豬影返張到此一遊。

妹妹豬落雨呀~


落雨點遮住個頭架?


不過又有毛毛雨,惟有喺有蓋地方吓相。





傻妹妹




唔係好知改變咗幾多。。不過好大浸喊水味
(如果比大師睇到我啲相,
應該唔比我再出席學影相!因為根本冇進步過~)

行嚟行去都係得呢條路,唯有去食野,
食完個tea都仲有成半個鐘時間

我唔敢想像如果冇妹妹豬同我地玩會係點,
我諗會悶到顛!
未夠鐘不過都有啲父母已經喺會場門口排隊,
於是人排我又排, 妹妹喺會場出面都知道哥哥喺入面,
係咁叫哥哥~哥哥。。。
終於開門喇!

妹妹豬真係一支箭飆上前搵哥哥


兩個一見到就互相擁抱

佢兩個真係好sweet!我見到都好感動~

見到小檬條帶都係一樣色,
我問小檬即係考唔考到呀??
小檬點點頭。。。yeah


(原本條帶會下次上堂先頒發)
唔知點解呢吓喺公眾場所嘅一點默契令我覺得好sweet好窩心。
好似上次喺學校班房入面嘅一個眼神一樣

同學仔一齊考~

媽咪我得咗喇~

雖然係小小嘅升級試,我都好開心
(又一次明白果啲家長如果考到果啲咩神校/第一志願
或者做咗啲咩狀元點解會喊,
我諗我都會!!發吓夢)

返來會場先。。。程序係小檬會獲派一本手冊,
寫明升級試合格。

睇清楚係咪真係得咗先?
總教練又講完訓話之後就dismiss

 得咗喇~ 

好興奮呀~


點解突然正經咗?因為有呀sir喺到。。哈哈

呢位係副教練,
仲有一位呀sir不過去咗帶隊到韓國參賽
  
問返小檬考試情況,佢話好似平時練習咁,唔係一個一個考嘅。


我諗佢都係覺得好似平時練習咁,冇咩壓力,
咁就好,最緊要佢都鍾意學得開心!!

跆拳小子回顧: 


同場加映 "妹妹豬被撩實況"
小檬後面個小朋友對妹妹豬好熱情,
不停想攬住佢。

目不轉睛咁望住佢 

小檬:妹妹,要小心識啲朋友呀!!

小檬真係搵身體阻擋住個小朋友
唔被佢埋妹妹身
考到帶真係識得保護妹妹喎!!!

15 則留言:

  1. 叻叻小檬!! 繼續努力呀!

    回覆刪除
  2. 恭喜小檬~

    "妹妹豬被撩實況" <-- 好攪笑, 小檬真係好似大哥哥一樣保護妹妹, 叻叻!~

    回覆刪除
    回覆
    1. 係呀。。佢都唔鍾意個小朋友攬住妹妹

      刪除
  3. 哇哈哈~ 好搞笑呀~ 妹妹被撩~ 小檬哥哥一定可以好好保護妹妹~
    小檬媽, 放心, 你將來一定有機會喊, 因為小檬一定入到D神校!!!

    回覆刪除
    回覆
    1. 哈哈。。。多謝你!不過神校收都要小檬讀得到先考慮,而家言之過早!

      刪除
  4. 嘩,小檬好叻叻呀

    回覆刪除
    回覆
    1. 其實我諗第一級好簡單嘅

      刪除
  5. 小檬哥哥好man呀﹗考完帶即刻識去保護妹妹﹗

    回覆刪除
    回覆
    1. 係喎。。果刻佢唔係咁鍾意果小朋友攬呀妹妹

      刪除
  6. 好sweet 呀, 哥哥好鍚妹妹.

    回覆刪除
    回覆
    1. 係呀。。佢好錫妹妹架

      刪除
  7. 小檬好叻!兩兄妹更sweet:-)

    回覆刪除
  8. 小檬好叻呀! 繼續努力考第二條帶,keep 住保護妹妹呀

    回覆刪除