7.21.2015

Summer fun fun fun @澳門 Day 2

食完晚飯,返到酒店已經好累,初時仲話安頓好婆婆姐姐同啲小朋友,
我地啲大人同朋友就去食吓消夜,而家真係唔可能!

今次我地book咗兩間房,婆婆同姐姐妹妹一間,我地就同小檬一間。
小檬都繼續keep住反瞓,一晚撐我三四次,又要黐住我瞓,
佢爸爸就好梳干咁自己瞓=___=

有老有嫩,又多人,真係好難捐窿捐罅搵野食,
於是第二朝都係去附近飲茶。
經過公園,大細都要做吓晨操~


有人自己稱張繼聰





唔知咩事,妹妹豬心情麻麻












玩完飲茶

呢間係澳門舊酒樓,之前同屋企人已經有嚟過,
星期日早上十點幾都唔使等位,
成個大廳,得幾檯客
食完啲小朋友梗係一齊玩吓。




跟住我地兩家又分道揚鑣。
我地過咗氹仔探小檬啲朋友。 

哇。。。呢到啲遊客數量同我地住嘅酒店差好遠!
B6都係鍾意呢啲新嘅豪華嘅酒店。

小檬一見到啲牌就自己擺pose


問咗啲職員話而家唔會再走出嚟同我地影相,改為有啲小遊戲玩$15一次。
但老公打去酒店問又話只係下午先出嚟。。。都唔知邊個啱。
我諗都有機會取消出嚟影相呢個環節,如果唔係仲邊有人食佢地嘅早餐

好在都仲有隻獅子Alex止吓咳,影咗相就OK。


為咗補償,狂影







又扮得幾似喎

妹妹都有少少驚呢啲大公仔。
相信都係唔使去迪迪尼住架喇

小檬成日問我地幾時同佢地食早餐,
我地唯有話佢地好忙,今次約唔到。
再上上面睇吓玩具就冇問題。


跟住比得哥哥就嚟搵我地,本來諗住出去得野,
不過已經點幾,婆婆同妹妹都肚餓,
於是就去威尼斯人嘅北方館。都OK好食啦~

晾肉~ 



我好鍾意嘅拔絲香蕉呀



黑媽媽嘅到此一遊

食完佢太太就揸車嚟車我地去科學館。妹妹豬食飽又瞓咗,
於是我地只係帶咗小檬入去玩。
喺到又撞返契仔女地,於是又一齊玩。

澳門科學館有六層


睇完最底嘅印刷技術





之後就直上最高,一路轉落嚟玩。
好多男仔都唔鍾意照顧小朋友,
但契仔超鍾意照顧小檬, 多個褓母仔。
(反而契女就唔鍾意)


呢到真係超級多野玩,我地已經走馬看花都冇可能玩得哂。
星期日嚟講,都未至於好多人。好多都唔使排就有得玩。

食物金字塔










划艇


手臂持久力

平衡

廢物循環回收


手扼力


射擊


呢層玩水就好受小朋友歡迎!






小朋友工地


哈哈,咁著都幾得意喎


只限12歲以下小朋友由一個大人陪同。

檬爸估唔到都幾襯呢啲工地衫



自己啲發泡膠磚頭






運輸帶帶上去

開閘


契仔女地搭六點船,
所以先走, 我地仲可以玩多一陣。。。





終於走吓行吓幾情況底下玩完,
呢到都幾多野玩,好在都唔算多人

玩完妹妹就醒喇。。食咗啲餅餅。
出去影張到此一遊先。

本來諗住行返酒店,應該10分鐘到,好在有架的士,
唔使5分鐘就到酒店。
大家都好累喇,於是喺酒店中菜食

食完預返半個鐘去碼頭上船。小檬成日都未瞓過,上船就即瞓。
妹妹就到尾聲扭咗兩吓先瞓。
比起第一次扭到癲咗已經一大進步!

短短兩日,好在有姐姐婆婆叔叔EE幫吓手,不過都係超累。兩位小朋
友嘅nap time 又唔同,活動安排都有啲難度,
不過純粹hea吓,玩得開心就得

8 則留言:

  1. 同佢地去玩真係忙到無朋友,不過自己就可以遠離一下屋企囉,哈哈,等佢地兩個再大D,我地就應該舒服好多啦(日日都係度自我安慰,哈哈!)

    回覆刪除
    回覆
    1. 好快啦。。。你快啲返香港搵我地添呀

      刪除
  2. 個科學館好吸引呀﹗搞到我都好想去玩添﹗
    其實湊住佢哋去邊都攰,不過離開吓香港畀自己hea吓抖吓,個感覺又真係差好遠

    回覆刪除
    回覆
    1. 科學館真係值得去,如果要玩得認真講解,相信一日都未必得,我地入咗去兩個幾鐘都玩得唔多,不過勝在唔太多人,唔使排隊

      係喎,唔知點解去酒店嘅泳池好似特別relax咁

      刪除
  3. 我其實都仲未去過科學館, 睇黎下次去可以去玩下~ 其實湊住2個去玩都真係好攰~ 但係總係感覺唔係香港就似放假D, HAHA

    回覆刪除
    回覆
    1. 科學館都真係值得去吓,有六層,真係行成日都得!
      其實已經多咗婆婆同姐姐睇吓妹妹,姐姐又拎吓野,已經好好,如果冇佢兩個我地兩個就冇咁舒服喇

      刪除
  4. 你好勁, 可以帶兩名小孩出埠....我得一個,都仍是未敢!

    回覆刪除
    回覆
    1. 當然唔係我一個啦。我地兩個加婆婆姐姐,仲有契仔女一家都有啲時間一齊有個照應,我有有啲朋友喺果邊,有咩事都好多人幫手。。你都可以試吓爸爸在那兒,近近地帶O仔出去搵爸爸!

      刪除