6.29.2015

湊仔事

有兩件湊仔事想分享吓,不過唔係關於我湊仔,係人地湊仔嘅:

第一件
同小檬妹妹豬行書局,有啲木製嘅大型玩具可以比啲小朋友玩,
佢地就梗係行埋去玩啦。。。
有個大約歲幾嘅小朋友玩緊間大屋,小檬同妹妹豬就玩隔離嘅廚房喇。
唔係想講啲小朋友有衝突,而係呢位小朋友嘅媽咪著住件超低胸嘅背心,
烏低身同個小朋友玩,仲要係好偉大果種,其實有冇理過其他人感受嘅呢?
有冇諗過你想露,唔係個個想睇嘅呢?
點解明知係要湊仔,又要著件咁低胸嘅衫呢??不過作為女人見到都唔知點咁,
我當然明白人地著咩有佢地嘅自由,我梗係冇出聲,亦唔關我事,
所以喺自己嘅天地同大家分享吓~

第二件
尋日落咗會所泳池游水,玩完先同妹妹上屋企沖涼,
小檬就同舅父繼續玩水,我地攞咗好多沙灘玩具落去玩,
有兩個兩歲多嘅小朋友(可能係twins兄弟)想攞啲玩具一齊玩,
佢地未係好識講,小檬冇話唔比佢地玩,好似冇咩所謂咁繼續自己玩,
但係佢地媽媽就唔比佢地攞,話係人地嘅,果兩小朋友開始扭,
媽咪都拉佢地唔住,
舅父應該唔識handle呢啲情況,我離遠見到,
就抱住妹妹行返去,就話不如大家一齊玩啦,小檬都要同小朋友一齊玩喎。。。
跟住果兩個小朋友梗係唔客氣啦,佢地媽咪就淡淡然咁話,咁你地玩啦。。
唔好話唔該多謝,連一眼都冇望過我,冇理過我呢個無謂人,
呢兩位小朋友未識唔該我唔緊要,我借比小朋友玩亦唔係要你講句唔該,
不過我真係唔明白點解有啲人可以咁冇禮貌。
其實我都有啲慶,點解我要對呢啲人好??
算!!!我只係要做我認為啱做嘅野!
身教好緊要,不過無論小檬睇唔睇到,知唔知道我都會咁做。
而呢啲家長,佢第時見到自己小朋友冇禮貌,應該知道點解!

小檬成長報告@ 3Y5M

小檬3Y5M喇~ 

又有新記錄喇!!第一次食壽司!
舅母係韓國(好在係之前)
返黎之後帶咗啲紫菜比佢,佢肯食
於是爸爸就帶佢去試吓食壽司,呢晚我要同客食飯,所以冇去到。
不過報導返我知佢好鍾意食紫菜卷,粟米卷,
炸蝦手卷, 都係新嘗試吖!
佢又好鍾意飲綠茶,沖到好淡我都比佢試。

其他喺屋企可能食得好啲,喺街一時時。
依然係好多新種類唔肯嘗試,究竟係咪算?
等佢大啲先算?定仲有啲咩法寶?
慶幸嘅係佢好鍾意飲好多水

好OK,有時都唔使我入去R背脊,
有時就攬住我隻手瞓, 好快瞓著。
晏教有時可以唔瞓,
不過大多數放學食完飯會瞓兩個鐘左右

夜片,未介,有時會起身叫話要去WeeWee,
其實應該已經唔使著片,不過我唔急,預計暑假會介

晏教片,已經冇著,暫時都OK

有時比佢激C你,食呢個吖,但係我咳喎。。(有咩關係?)
(轉頭)我想食咩呀。。。你又話你咳 ? 我好返啦嘛!
我頭先自己著衫好乖, 跟住呢?
跟住媽咪你可以獎勵我食一粒糖!

一做咗啲曳野知道我會話就會笑笑口同我講,
媽咪: I LOVE YOU

上車會話,媽咪,你最鍾意聽架。陳弈迅呀。。
(可能佢見我都會跟住唱吓)

媽咪: 呢幅畫送比邊個架?
檬:爸爸囉
媽咪: 咁我呢?上次咪送咗囉。。你唔記得喇,玫瑰嘛
(又係喎。。原來係我唔記得)
認路好叻,揸車經過嘅地方都好記得之前嚟做過咩

參加蛇仔明生日會







真實對白:媽咪我而家唔買玩具架喇。。好多喇。。
第時買左新屋先買啲大嘅玩具!
(咁你幾時買間屋比我?) 

 妹妹第一次食麥當當呀。。。梗係要陪吓佢啦 

給爸爸的自拍時間
好鍾意呢張自拍

 同媽咪一齊整三文治

 食都食得開心啲

呢晚整布甸

去買禮物比爸爸,順便食壽司

不知不覺間,有自己嘅lego世界, 會自創

我地嘅屋企,有樹喺屋裡面
雙人床係爸爸媽媽,單人床係小檬(賴低咗妹妹=___=)

工程車

爸爸同小檬喺電腦檯前面睇學校啲相

 小檬幫契媽餵狗
任務完成

父親節同媽咪買奶茶雪糕食(不過自己冇食)

6.24.2015

父親節禮物前傳

媽媽冇諗啲咩特別嘅父親節禮物,見爸爸個鬚刨好似都舊,
啲刀應該都換吓,索性趁父親節買個新嘅比佢。

於是提早啲安排
趁爸爸返大陸,就叫婆婆預早同小檬出嚟商場
同小檬一齊出去買。。
(妹妹就係屋企指揮,冇出到!)

食完野,就action~


我覺得好成功呀!!!!
 佢都做到自己去買嘅效果。。
雖然有啲位佢唔敢自己同sales哥哥應對(而家會唔好意思)

買完禮物搭車時就要教育

媽咪: 你記住唔好同爸爸講我地嚟買禮物比佢喎。。
小檬:  點解呀? 
媽咪: 因為呢個係一個秘密,秘密呢就唔可以話比人知架。
小檬: 哦。


講左一次之後,返到屋企就唔提,希望過一日就唔記得呢件事

第二晚晚上,爸爸返咗嚟,接我放工時,
我一上車, 見到個 "飛抱抱" 盒,
心諗點解爸爸又買咗個鬚刨???
原來佢買個電動牙刷比我試吓用(因為之前啲牙唔好)
同一牌子個盒大細差不多,我都睇錯,
如果咁拎上屋企小檬一定以為係鬚刨,
而爸爸一定叫我拆黎睇同叉電,到時實穿煲!
於是我一拎到返去就自己入房拆哂個盒話要叉電先,
順利瞞過小檬同爸爸!
心諗好在我醒目先可以避過穿煲!

跟住小檬去WeeWee,佢而家會自己洗手,
有時會自己攪掂,不過如果有大人得閒都盡量睇住佢,
驚佢跣親,於是我就叫爸爸睇住佢洗手喇。。。
小檬見到洗手盤隔離爸爸個鬚刨,
就同爸爸講:

 "我地買咗個新呢啲比你呀!!!"

我聽到心知不妙。。。如果爸爸問就話唔知佢講咩。。。

點知小檬出嚟就話:
 " 媽咪,爸爸個秘密呢??快啲比個秘密爸爸啦!!!" 

wakaka~ wakaka ~

講到咁
我唔覺得爸爸會唔知囉!!!
所以,其實父親節之前
爸爸已經知道將會收到呢個禮物架喇~

6.22.2015

Moving Art Room ~ 藝術和大自然結合的藝術體驗

多謝the Moving art room邀請小檬參加佢地舉辦的活動
一次特別嘅藝術體驗~

Moving Artroom 走​​出教室, 將畫室搬到沙灘,
將藝術走進大自然
等小朋友可以喺戶外大自然地方學習藝術~畫畫
地點係屋企附近嘅麗都灣
小檬都係第一次喺畫室以外嘅地方畫畫。

雖然活動未適合妹妹豬,不過佢地都好歡迎妹妹豬到場,
亦安排咗啲食物,飲品比我地,
不過我地見天氣不穩定,有啲想落雨,所以今次冇帶妹妹豬嚟喇! 

活動開始之前落咗一陣大雨。。。我地都要等停咗雨先行落去,
落完一吓大雨又放晴,於是照去喇~

得知要到沙灘嘅媽咪都摷返啲沙灘褲同背心仔防曬比小檬~
 仲有~ 太陽眼鏡
不過著咗喺身! 

佢地用英文教授,小朋友喺一個純英文嘅教學環境吓,
享受大自然吓畫畫嘅樂趣


初次見面,Miss Anna問吓小朋友嘅名字,
唔知點解而家嘅小檬係好慢熱,好怕醜,
唔肯講。。。要隔一陣先得=___=

跟住Miss Anna講解一吓今日要完成嘅作品

老師作品~沙灘
好似好簡單。藍色海水/加啲沙/再黐啲貝殼

另一個sand castle
好靚不過比較複雜,要小小手工剪貼。

第一次參與嘅我地,揀咗個簡單入門版~沙灘

 一開始我地就喺附近嘅尋找Miss預先安排好嘅貝殼

掘呀掘
 

掘呀掘
小檬到沙灘就掛住玩沙,一開始未喺好投入,

又唔係好肯搵,我都好驚佢唔肯繼續玩
我地搵到三個貝殼!

好在坐咗喺到玩吓腳嘅沙,就肯開始玩

跟住就準備油圖畫喇~ 
 

要係圖畫紙打斜分一半,變成海水

稍為幫佢一吓之後就由得佢自己畫

終於一筆一筆,畫滿半張畫紙,變成海水

雖然喺樹蔭吓, 不過都坐到流汗。

之後再加啲淺藍色/白色,令海浪更加生動

各家庭都非常努力

Miss Anna就周圍忙碌咁給予我地指導

海水一part完成後,就要塗白膠漿。

盡量比佢自己完成

小檬:睇吓啲海水係點嘅先





休息一吓~ 

大家都好留心睇住Miss Anna嘅示範

完成咗一大半喇! 

搽好白膠漿之後就可以放沙

由於水彩都未乾

有啲沙都黐咗落啲水彩到 

不過小檬到好努力

將啲沙舖滿
 

媽咪盡量動口不動手,比佢自己一手一腳

"果到係咪仲有啲白色呀?好似未舖滿啲沙喎" 

差不多喇。。最後就黐好啲貝殼,
不過有啲難黐實

完成喇!!!

 多謝Miss Anna嘅邀請我地先可以有機會參加呢個活動,
梗係要影返張相啦!!

可以對住個咁靚嘅海景畫畫,
真係唔識畫幅畫都靚過人

小檬作品 

畫完可以鬆一鬆!

(媽媽由頭到腳都係沙華童裝。。wakaka)

藉住今次呢個活動,比我知道小檬原來有時會顧住自己玩,
唔係好肯參與群體活動(學校果啲同TKD果啲小朋友又肯一齊玩,可能熟咗啦。。)
初時我都擔心佢唔肯玩,要自己玩沙,好在後來都肯玩。


有機會都可以多啲參與呢啲活動,等佢可以再容易投入群體活動。
另一方面,又可以喺咁特別嘅環境畫吓畫吓,
感覺都好新鮮,係一個好特別嘅經歷。

最重要就係享受我地嘅親子時光! 

邊個有興趣玩吓呀?
Contact Details
www.movingartroom.com
https://www.facebook.com/movingartroom
Phone no. 39043608