由於放大假(出年先返工)
真係繁忙過返工呀！！
偷時間打篇簡單聖誕快樂先!
聖誕妹妹豬出場喇！一貫天然呆嘅妹妹豬
(慣咗口，喺blog都叫佢妹妹豬先)
不過好快又好容易就氹到佢笑!
到有啲性格嘅小檬哥哥喇
萬千張相先有一張半張靚少少嘅，真係暈低
收到好多好多禮物
呢張兩個表情都好好笑
媽媽的聖誕禮物，甜在心頭
聖誕快樂呀！
有心唔怕遲嘅˜
12.23.2014
小檬& B be第一次B6之旅
小檬婆婆喺廣州同佢鄉下都有啲親戚，
今次娶新抱，都要返去請人飲，食吓飯咁。
小檬舅父問埋我地去唔去，佢有朋友做開呢啲大陸香港接送服務
如果去就安排直接車我地上去。
咁方便嘅車程當然貴過全部搭直通車，
不過對於有小朋友BB嚟講就超越方便！
淨係啲行李可以點對點唔使拎就已經無敵啦
見咁佢咁有誠意，
方便又咁多人幫手湊吓啲仔女，
就開始小檬B be嘅第一次B6之旅！
朝早差不多11點就出發，姐姐證件問題冇跟我地去喇，
臨走姐姐叫B be要乖聽話唔好喊呀！
架車嚟到樓下堂接我地
出發喇！！
小檬同婆婆舅母坐（要讚吓小檬好快改到口叫舅母）
我就孭住B be，我地嘅檬爸就梗要睇佢最緊要嘅報紙啦！
（記得我生B be佢都要買埋報紙先嚟醫院嗎？）
長途車，舅父都叫我地帶定啲碟比小檬睇，
let it go咗半個鐘到就已經到深圳灣過關喇，
唔使落車檢查證件之後就到咗大陸，
再let it go咗一半，搖吓搖吓小檬亦瞓咗，
B be食飽飽亦瞓咗。。。
我諗由屋企開車大約三個鐘到就到廣州嘅酒店，
如果唔係有少少塞，應該唔使三個鐘，
不過塞車亦係廣州嘅特式，冇可能避免。
雖然三個鐘車程，不過兩個都乖乖瞓咗大半時間冇扭計，都好容易過
親戚住開幫我地book嘅唔知幾多星酒店，
check in用咗差不多半個鐘先得，都唔知點解可以咁耐，
終於上到房
梗係碌吓床先啦！！！！！！！
間酒店冇咩特別，係有啲舊，
啲燈唔係好著
（著吓唔著吓果隻，有啲氣氛）
廁所水好難沖，
有啲天拿水味！
（好在夜晚返嚟就冇哂）
不過三百幾蚊想點，是是但但住一晚啦！
放低啲行李就落樓吓酒店中菜飲茶食啲野，小檬喺車已經食咗啲麵包，
不過去到仲食到呢個叉燒包，
真係幾好食嘅
啲蝦餃都唔錯，同酒店房嘅水準差好遠
然後出去行吓兼去擺酒果到（其實只係食吓飯）
好難截的士，於是諗住搭地鐵去，行吓行吓又截到喇。
去到喇
應吓景，踎吓先
見到大商場就入去睇吓玩具先！
竟然見到巧虎
舅父母買咗聖誕禮物比佢，
行咗一陣sir吓滑梯(玩具部)
就夠鐘去食飯！
到咗食飯果度，之前我地自己結婚都冇返去，
今次當埋係我地喇
抱住兩個擺酒又幾特別喎
婚前一兩年都有返吓去，我諗都有5-6年前，今次見我已經一仔一女。
咁多年冇見嘅親戚有啲由細睇到我大，而家我有仔有女梗係想等佢地見吓，
B be冇問題啦，抱住佢就得，
但呀小檬先生呢，開始有性格，突然唔鍾意social，
我諗同眼瞓有關，唔係好願意叫人，
不突止，仲爆喊
（好多時爆喊都係同完老公對話，不過當時人話冇整喊佢喎，
其實有時都要睇你點handle件事嘅）
冇啦啦喊，爸爸已經的佢出去教訓，
過咗一陣返到嚟又喊過。
今次到我喇，一論大戰之後終於攪掂，
返到入去玩吓Iron Man就冇事
(做玩具嘅叔叔有嚟，梗有帶啲玩具比佢啦！)
爸爸叫咗杯"鮮榨橙汁"比小檬，轉頭嚟咗呢杯！
"杏仁茶"
有位識普通話妹妹證明老公啲普通話冇錯，
只係侍應聽錯嗟。
佢話侍應自己up up話杏仁茶比佢聽到（咁點解唔出聲嘅？）
終於有得飲
有波波玩就開心哂！
B be都玩吓先
其實仲有啲小朋友，兩個妹妹姐姐都好乖，
另一個仔仔大約五歲，應該係典型嘅大陸曳童，推開小檬果種，
所以都唔想小檬同佢玩！
食完飯，廣州嘅表姐話同我地去威，揼吓骨呀，按摩呀。。
我其實都好想，不過稱住兩個又點可可以行開吖？？？
終於喺附近啲商場行吓食吓甜品糖水就算。
好有日本街頭feel
行過見到呢部自動搾汁機
舅父同爸爸梗係玩吓啦
成品
爸爸同婆婆話有溝水嘅
算啦。都係至在睇佢嘅過程
上去之前check天氣話夜晚得4度！！
點知都唔係好凍！
喺室內小檬帶咗個neck warmer仲有啲熱甜
小檬發揮佢嘅小宇宙，繼續喺玩具部大戰，
結果呀表姨媽買咗lego比佢！
結果呀表姨媽買咗lego比佢！
回程又係要爭的士，仲要係加20-30蚊呀表E ma先爭到比我地
睇到我上面講呢間酒店
都唔會諗住有bb 床可以安排比B be瞓，有都唔會用，
於是我同爸爸就夾住
B be 瞓，小檬就同婆婆瞓
兩隻豬都好快瞓著
待續。。。
12.19.2014
School Christmas Special
聖誕表演之後
學校好快已經上載咗啲相同video比返我地睇,
仲有之前排練嘅情況！
（淨係快呢點都我已經比十個讚！
你知做家長有幾咁心急架啦）
再睇仲有個Christmas special
就係呢啲喇！！
有啲似TBB 藝員影果啲架年硬照!!
學校真係好有心幫各小朋友扮聖誕老人衫喺聖誕樹則邊影相
又除又著又擺pose，應該都用好多時間！
真係好多謝學校令小檬嘅N班生活咁精彩！
小檬預祝大家聖誕快樂
12.18.2014
12.17.2014
第一次學校聖誕表演
小檬第一年返學，有很多令媽咪期待又難忘的事情會出現，
繼學校親子旅行之後, 就係聖誕節表演！
今日小檬如常返學，家長們就十一點到學校看小朋友演出，
我諗小朋友仲細，並唔係我地坐定佢地先入場，
而係我地一入到學校小朋友已經企好自己位置準備好。
我地都算早到, 仲諗住排前啲影得清楚啲，
點知頭兩行家長係唔可以企喺到 =____=（其實當然）
不過後排嘅家長就企哂喺到影。
算啦，我而家都學會enjoy the moment用心睇表現！
而錄video呢個重任就交比爸爸。。哈哈！
小檬屬於細粒仔，天真嘅我諗住佢實企前排，
點知佢排位喺第二排中間！
比第一排嘅遮住遮住！！
Hi~
比第一排嘅遮住遮住！！
Hi~
小檬都應該喺啲人罅到見到我地，
唔型嘅野梗係我做, 我係咁搏命同佢揮手，
唔型嘅野梗係我做, 我係咁搏命同佢揮手，
小檬見到我都有好含蓄咁笑一吓！
老師一聲令吓小朋友就唱第一首聖誕歌，
開始小檬人生嘅第一次表演，雖然唔喺企第一排，
但小檬都做好自己本份，跟住音樂做動作，啲節奏都跟到嘅，
再睇吓第一排嘅小朋友又唱得又跳得，唔怪之企第一排!!
尤其係啲女仔，真係又跳又唱，好叻叻！
當然有啲再後啲嘅唔係咁郁添，有一個開始時走去媽咪度 =p
小檬已經算係中規中矩！
唱完三首歌表演就完成！掌聲之後, 小朋友及家長大合照。
之後每個家長都攬返住自己嘅小朋友，
當時嘅情況就好似而家選香港小姐完嘅時候，
啲家長會走出嚟同佢地打氣，
跟住啲港姐同家長都會忍唔住大家一齊喊，
我攬住佢果時都眼濕濕，不過小檬當然冇啦！
我攬住小檬錫佢，
讚佢好叻叻，
可以企定定，
跟節奏，
做動作，
冇走開，
唔怯場，
完成表演！
（原諒我將完成表演一詞分拆一part part去稱讚佢）
好快就由感動mode走返出嚟，
影吓相喇！
真係好多謝呢班老師
從平日喺學校網上upload嘅相都知道佢地上堂嘅時候，
係好用心對待照顧呢班小朋友，
今次嘅表演應該都用咗唔少心血時間去幫佢地排練！
雖然呢個係佢地嘅責任，
不過我從來唔會take it for granted，
要常存感激的心！
（其實我一路打眼眶一路有淚滾動，
眼見小小嘅年紀由老師教導完成表現，冇辦法唔感動）
Yeah~
Yeah~
12.16.2014
最珍貴的禮物
還記得當初猶豫是否應該再生第二位小朋友，
眨眼間，妹妹已經扶著企了。
坦白說，想要B be的時候也沒有太多的計劃，
只覺得好像兩個小孩比一個好，於是便試試。
感恩很快有了B be。雖然也殺我們一個措手不及
感恩很快有了B be。雖然也殺我們一個措手不及
之後的安排也需要些時間才能安定下來，
但現在總算不是太差
B be 出世的時候，小檬剛到了聞風喪膽嘅trouble two，
很感恩小檬沒有trouble, 亦很錫B be!
現在還有兩個月就到三歲的小檬，
這大半年間成長很快
由BB轉變成小朋友，更有自己的想法，更有自己的性格
B be的出現，如果處理得不好，很容易令小檬和B be 關係變差
幸好初生時,小檬已經很錫B be
到這個幾月B be 懂得與人互動
到這個幾月B be 懂得與人互動
兩位小朋友碰上的時候，
總令我更加覺得我們的決定沒有錯！
看著你們，心裡有一種說不出的開心和感動。
一起生活
一起吃
一起玩耍
一起學習
(玩具反斗城catalogue)
一起分享
一起開心過節日
一起渡過特別時刻
兩位小朋友在我來說亦令我可以分散注意力，
無論好與壞，也不會過份緊張。
湊一個小朋友時間過得快，湊兩個更不知道時間往那裡溜走。
令C9的媽咪更C9
盡管媽媽未能整天一手一腳湊你們
但愛你們的心是不會改變
媽媽會時刻緊記公平對待
但愛你們的心是不會改變
將來有更多的事情由哥哥和妹妹互相扶持。
有人說，兄弟姊妹也有可能不和
也不一定相親相愛
但，凡事總應該由正面出發
將來的事，又有誰可以料到
看著你們每日成長
媽媽已經心滿意足
可愛妹妹傍總有個傻哥哥
當哥哥的，記著要保護妹妹
這世界上，唯獨是親人是沒有可以替代的
一個陪著你成長的伴,是過後怎樣也不能尋找到的。
雖然長大後可能各走各路
但都希望你們各自各精彩
到最後要記住兄妹每天快樂成長的點滴
這是爸爸媽媽送給你們最珍貴的一份禮物
珍惜兄妹的緣份, 永遠相親相愛!!
訂閱：
文章 (Atom)