11.28.2014

母校

星期六媽媽中學母校60週年紀念,
喺機場展覽館有聚餐,不過我冇join,
學校會開放給舊生回去行行,
但,記得我地係出名慢的嗎?
於是就係咁遲到學校都關門了!
(原來唔係開好長時間=___=)

為咗唔好浪費咗一身運動裝扮,唔去媽媽母校,
就走咗去爸爸母校。

1234到齊

咁靚嘅track,梗係學吓行先啦

扮識企

呢套Di di da tracksuit 好靚,係同事啲舊衫仔,
但係一啲都唔舊,尺碼係0~3
真係唔明啲外國BB係咪真係咁大隻?

兩個一走埋

唔知道做咩,不過好好笑

用下啲設施先, 我射

打完波,飲支野,個個人學生都係咁

餵食嘅B be又嚟爭食

學校145週年,真係歷史悠久。

OLD BOY VS FUTURE OLD BOY (發夢中)


呢排成日聽到啲家長開始煩小學,
呢間啲位競爭咁大,我都冇咩信心佢可以入到
唯有而家行吓扮讀緊

好靚嘅樹

網球場






當日Hall有舊生聚餐,見到好多真係好old 嘅old boy ,
仲見到好多名人添!

聽talk就係呢個hall喇

回到未嫁時 
之前嘅賣物會都已經返嚟

而家就兩大兩細
希望遲啲都繼續要返!!! 
(下面嘅小學部先!!再發夢中)

家庭遊戲~ Shopping List

小檬學校有自己嘅團隊設計課程同教材。
除書本外,仲有video,遊戲,
中英文普通話兒歌...

學校有啲遊戲將會派返屋企同爸爸媽媽一齊玩,
遊戲中學習。又有親子時間。
之前有商店街(學習店舖名稱/大小顏色之分)
穿繩(練習小肌肉)
入錢箱(學習顏色/練習小肌肉)
今次就有超級市場買野遊戲。
(學習食物名稱,同售貨員用英文對答,
說出要買食物嘅名稱,知道買野有錢嘅概念/分種類/揀出相同嘅食物)

有紙幣 & 唔同種類嘅食物

shopping list

我心諗,咁難,點會識呀?
不過照教佢啦,比咗個袋佢,放啲錢入去,
就教佢要照shopping list 去買,
啲食物放喺sofa度,
睇住佢跟個shopping list一個一個執出嚟,

一對,真係啱哂喎!

第二次都啱哂

然係交比扮收銀員嘅婆婆比錢,好玩學到野又開心!!

冇諗過佢會識架,可能係學校已經學咗
即係話比張清單佢, 
就可以幫我落樓吓超級市場買野喇!
所以話
唔睹唔知時運高
唔玩唔知佢咁叻!

真係唔好低估啲小朋友呀!

11.27.2014

B be @ 9 Months

B be  9M 喇!! (@19/11)

奶/粥/奶/粥/奶/奶,
時間應該大約兩個鐘,中間時間加插生果

餅餅呀。。包包呀。。都有黐啲嚟食。婆婆食又比啲,
見到我地食野又好開心走埋嚟。比起哥哥為食好多。

活動能力
有音樂會自己舉起手手,或者同人玩give me five,
不過唔係次次識,扶住野起身,之後扶住行,
比麵包超人學行車佢就唔玩,鍾意推凳。咩都扶住企,
小檬大型啲嘅玩具都會攞嚟企。

好鍾意同哥哥玩,哥哥一出聲就會笑。
見到陌生人會眼定定認人。
抱佢都好過之前,唔會即刻喊,
可能都可以抱到一陣子
心野,如果我地未瞓姐姐同佢入房佢會扭返出嚟,
好似舅父結婚果晚咁唔肯瞓。
夜晚大部分時間都可以瞓天光,有時都會喊一兩吓。
朝早都係同我地一個時間起身,食完奶奶,
等哥哥返咗學就再瞓過。
都係黐姐姐/婆婆同埋我,
爸爸方面未去到情人地步。
食手手都係眼瞓先食,又唔係好嚴重,
食兩三吓就唔食。
咩玩具都放入口,攪到咀邊成日紅哂!

頭髮又黑/有濃密/又攣,
我同爸爸細個啲頭髮都係攣
眼捷毛反而唔夠哥哥長

放工返發屋會同哥哥一齊跑/爬出嚟迎接我,
so sweet!

first disney time

招牌天然呆

我唔鍾意網床,咩都扶住企, 
攪到屋企人成日要睇實我
1.

2.

3.

手手呢?喺到

有人話我曳時,我識扮吓野架喇!

米奇B be 

哥哥嘅麵包超人學行車

第一次踩車好開心呀


大咗啲, 媽咪同我落公園玩吓。

仲有會所



第一次坐超級市場車

擒嚟擒去最叻,自己擒上方凳轉新坐好添

下個月,應該可以行吓幾步喇!

11.26.2014

小檬@34M

小檬34M 喇!

冇寫小檬嘅進展一排,今日34M,

寫返吓先:

都係差不多,不過發覺靚嘅牛肉佢就食,
其他就唔係好肯食,比佢激C。
繼續鍾意飲水,婆婆啲愛心靚湯都係唔肯飲, 又係激C婆婆。
自己用杯都好叻喇,不過有時勁到單手就會搖搖吓,
自己畢都仲係好停滯不前,
自己畢永遠都未食完,連慢動作嘅爸爸都頂唔順
(好野,佢終於明白咩叫慢喇)
不過佢肯食我已經好安樂。
另外發覺佢唔肯試新野,佢實唔試,
於是有時我趁同佢講緊野就會啪入佢咀,
佢食到好食就話佢知係咩嚟。

有時食到好味道嘅食物,佢會同我講,
"媽咪呢個好好食"

高度
都係細粒豬,好耐冇度過,唔度就冇咁唔開心(我)
不過我相信佢好似爸爸咁遲標高,而家細粒繼續扮可愛先

重量
都應該有重咗,如果抱住都有啲吃力,
好在佢唔會扭抱,唔使人抱

沖涼
之前有段時間好驚洗頭,已經克服咗好耐喇,
不過未得閒記錄。
佢會好似巧虎教咁樣掩住口鼻我地就沖水落去,
洗完比毛巾抹乾就OK!

介片
同學校夾好,返學放學只係十分鐘車程,
所以到唔需要片片喇,喺屋企出街都冇用喇,
大部分時間都記得VV,
除咗玩到癲咗唔願行開
超過兩次,所以出街點都要帶定褲換

去到商場問佢有冇VV梗係話冇,唔會去,
不過一話唔去就冇得玩就立刻有得去。
好在暫時都冇話借尿盹,會成日叫VV

大大吓有時會怕羞,不過鼓勵吓佢都會叫人
好好記性,有間pizza喺巴士站附近,轉車入去買返屋企食,
小檬問呢間叫咩,講完我都已經唔記得,
冇在意,夜晚講返當日行程(通常夜晚要講返果日做過咩)
佢問返我叫咩名,我就真係唔記得,
點知佢居然話返個名我聽,唔通小朋友冇咩野記?

有時都會曳,試過發脾氣dum玩具,

我好嬲就dum啲玩具落垃圾筒,佢仲嬲,
用手打我案吓,我當然更加嬲
最後我諗最重要係學習控制自己嘅EQ

不過佢都好快知錯,同我講sorry,
每次我話我好angry之後佢都會話,唔好啦,
happy啦(學校學緊happy/angry/sad)

窩心事
小檬: 媽媽你著呢件衫落去呀?
媽媽: 係呀(心諗唔通佢想話唔靚?)
小檬: 咁要著多件外套先唔凍架。

有日打電話返屋企搵婆婆,點知婆婆唔舒服瞓咗,
姐姐就叫佢聽,佢一拎起電話就話
"喂,媽咪。婆婆瞓咗教。。"

剪頭髮,已經唔使啲咩野氹佢假

剪完經過夾公仔機,見到啲玩具好靚,
結果係舅父自己即刻扭,我同爸爸又試吓,
最終扭咗四次。
走嘅時候小檬話 "大家都玩左好多次喇!"
真係好好笑,居然比返個小朋友話我地

遊落場已經大膽咗好多 

xo 

舅父結婚,梗係要跳吓床啦

婆婆忙舅父結婚,媽媽請半日假湊我
當然開心啦 
   
小朋友鍾意麥當當係好正常嘅

第一到九龍公園 

好多野玩呀,全部自己擒




放完電是日媽媽食蛋糕當晚餐
呢個綠茶蛋糕好好味呀yummy 

聖誕節又嚟喇

第一次坐上層巴士第一排呀!
不過坐咗一陣子咋,始終小朋友坐前排唔係咁好,
小檬好乖,好合作。

你好,請問買咩飛呀?

每月一次嘅生日會 , 今次係~ 型