9.29.2014

N班~親子設計。海洋生物

小檬學校嚟緊有開放日比大家參觀
(我到時上午都會做義工家長)
開放日主題為「海底世界」
於是要求我地親子設計一件海洋生物展覽品

一直拖拖拖都未動工,
明明大把時間變咗冇咩,於是快快手開始。
材料~要用環保廢料:
冇用月餅盒,
雜誌剪出嘅海洋生物
活動眼睛
毛毛鐵線
不過點到要加張藍色畫紙。

買咗把兒童用嘅較剪,比佢試吓剪

幫吓手都剪到一兩吓,不過唔可以自己剪囉。
首先包好個盒,叫小檬搽漿糊筆

搽到E 哂口面,可能啜住唔順好難搽。

跟住貼好海洋生物
(咁啱有講海洋公園同日本水族館)

一隻一隻黐上去就得,咁啱有條魚用到隻活動眼睛,
於是貼上去。海邊用啲貝殼/蟹仔/海星貼紙裝飾。


咁啱有大張嘅鯊魚淨,
於是就用嚟貼背脊同則邊。

哇,咁大反應係咪識郁呀?

毛毛鐵線就用深淺綠色做海草,紅色做珊瑚點點綴吓。

勉強完成
我執手尾 
大工告成





後面 

"Discover the Wonders of Ocean"

佢同爸爸講自己貼嘅。。。都。。都係嘅,
佢貼好我執吓手尾,其實都盡量比佢自己貼,
不過幫佢對好位先囉 

今天返學佢自己帶返去,叫佢影張相,
佢走去放低個紙袋叫我影~

唔知會唔會唔記得拎留喺校車呢?? 

9.27.2014

中秋節

過咗時到都要post 返,方便第日睇返

中秋前夕,屋苑有個花燈晚會,我地落左去湊熱鬧!


有吹氣彈床,有電動車, 有攤位遊戲。。不過好多人

之前小檬一個難影,而家簡直係高難度




簡簡單單一家一齊賞月就最好!

正日: 公司放半日,我就攞埋上晝假,而家寫返都唔記得做過咩,
應該留喺屋企,夜晚就早啲出去食中秋飯

送出自家製嘅小檬月餅


真係開心 !! 

食完飯返屋企,到樓吓玩一陣就返屋企教教豬。








兩隻豬嘅第一個中等秋節
         







9.26.2014

學習~ Reward Chart

學習不止限於知識,品行亦同樣重要!

學校已經有本德育手冊由家長揀四項每日比分,
持續做到就可以有獎勵。這獎勵不需要係玩具,
可以係到公園一次等嘅活動。
暫時都搵啲小檬十拿九穩嘅寫,免得佢咁快有挫敗感。
( 又話要教個仔學習吓失敗嘅?)

而喺屋企,就整咗呢個reward chart
等小檬時刻記住好孩子嘅行為。

(好容易整,只要搵到之後download 再改自己個名,
加自己適合嘅規則 e.g I eat myself, I wear my shoes...
執櫃桶見到張冇用嘅學生相,貼埋上去啱哂)

果日做得好就可以比一架車車貼紙

如果多一定數嘅貼紙就可以有獎勵,
第一次嘅獎勵係。。。。落公園玩(哈哈)
 

而家呢張暫時係屋企平安貼,保家宅平安。
有咩同當時人談判,
指住佢話打交叉就即刻變小綿羊,
多句 "我吓次唔敢喇!"


真係好使好用,家家傳頌!

9.25.2014

學習 ~ Family Tree

喺學校開始認識兩個同佢最密切關係嘅party
家庭學校
於是整咗呢個family tree

非常簡單, 唔整啲公仔,excel 加相就做到。

小檬認識我好多嘅朋友,應該未識分咩喺屋企人同朋友,
希望呢個表幫到佢。
而家識哂father/mother/brother/sister/grandma。。

小檬仲懶叻教返B be 添!
不過佢啲英文就好好笑喇!

9.24.2014

學習~ My Calenda

小檬返咗學之後,就開始接觸多咗唔同種類嘅知識,
之前買落嘅  My Calenda  收埋都未拎出嚟,

而家放係佢著鞋仔嘅地方,
臨出門就更換日子!
話23號都識攞2字同3字

其實媽媽最想貼哂全部都係星期日!

Buzz Lightyear 車車

我真係好感激RB粥粥公司嘅,佢不斷咁提供小檬嘅衫仔,
而家仲有4~5歲嘅存貨
而玩具呢,平得嚟又大件夾低食,
好多大嘅玩具都超平,
粥粥仲要喺咁買比我,我都開始要say no 喇!

上兩星期又接收咗架車仔,本來好堅決話唔要嘅我
見架車咁靚都忍唔住拎返嚟比小檬玩吓

呢架喺香港未見過,應該係喺美國賣嘅

同小檬落去走返轉 影吓相
都叫曾經擁有吖

不過呢架車seat 位好後,小檬細細粒,唔夠腳長踩!
結果要自己用腳仔踩(好似果啲平衡單車咁)


或者我地推佢!(即係玩自己 =p)


希望小檬快啲長高可以自己玩啦!
唔係我驚我嫌咗住忍唔住呀。。。。

9.23.2014

畫畫

小檬歲幾就買咗個IKEA畫架比佢自由發揮。
出去食飯又比本簿仔佢畫吓畫吓,
有時就叫我地畫返轉頭佢睇,
可能睇得多爸爸畫圓圈加一點, 自己已經識畫圓圈

都有買啲顏色簿佢畫吓,都可以大致上畫想油嘅範圍




當會有好多出界,不過都叫對準目標畫。


韓國蠟筆好順,好容易油!


呢次嘅目標係好細格,佢居然畫到!

成長真係不經不覺的。  

既然係咁都可以比佢試吓接觸多啲美術,
畫吓畫,走咗去屋企對面啲鋪仔試吓堂。


一個鐘頭咗右,家長唔使喺裡面,喺出面等
唔怪之學野嘅附近總有啲整手甲,按摩之類嘅鋪仔


好認真


不過小檬仲係細唔會行開,我帶完佢去就走咗
(好緊要因為係去蜥蝪b 兩折private sale =D)
所以由爸爸企喺出面冇冷氣嘅走廊到等....
  
完成作

當然有導師姐姐幫吓手

今星期喺屋企, 自己打開學校啲書跟住畫,
佢畫完先話我知。

有身體,有兩隻眼睛,有咀巴!
齊哂~

小檬大作: 薯仔先生!

跟住再試埋另一間,可能會比佢星期六試吓學畫畫
唔期望啲咩,只希望佢開開心心畫吓畫!