4.28.2014

Blogger 探 B be

一開始寫blog係因為結婚嘅時候,到生B x 2,
都有寫低生活嘅一點一滴
(雖然yahoo blog嘅文章仲未搬嚟,係,仲未搬,我都唔知道點好。。。
因為有blogger 媽咪幫我搬都搬唔到,如果有高手想顯示實力,可以聯絡我!)

真係估唔到因為blog都結識到朋友仔! 
B be出世之後,佢地仲嚟咗探我添, 佢地對我地實在太好喇!!

回帶先。。。首先係隻腳好長嘅田鼠B先生。
睇佢地嘅裝束同B be嘅size就知係個幾月前嘅事。

B be 有sporty 型男嚟佢,就開心到暈低咗!
好明顯田鼠B唔知發生咩事啦~

跟住就係蛇仔明同水晶梨!! 


蛇仔明嘅身高同小檬差不多,而重量仲重過小檬添!
真係好佩服佢媽咪咩住佢去街街,比我條腰應該已經斷咗。

水晶梨真係好乖乖呀~

多謝你地嘅利是同禮物, 
多謝你地對我地嘅愛護呀~

4.26.2014

出走系列~ 復活反斗嘉年華@ Disney Hotel

復活節有幾日假期,又可以去玩喇!
(雖然我仲放緊假, 不過檬爸可以唔使返工,玩得爽d!)

得知迪迪尼酒店有個復活反斗加年華,
於是去玩吓

有咩玩 ??  
請睇以下介紹...

 有獎遊戲
=====
 估下有幾多隻蛋喺入面

呢個pose好嬌悄

吹氣彈床+ sir滑梯
=========== 
小檬未夠90cm冇得玩,不過就算比佢玩,佢都話驚驚

畫屋仔
=====
任畫


啲窗同門都打得開,小朋友可以行入去玩

米奇跳彈床
========
佢又係冇得玩, 同啲公仔影吓相

坐車仔
======
成日覺得呢架車仔好搵笨,要自己用腳,
不過又好似可以訓練小朋友手腳嘅協調。
小檬同我諗法一樣,坐咗上去一吓就落返嚟走人

砌積木
=====
自由組合,有人砌咗碌波波

C要攬住4個波!!  一個都不能少!!!!!!

卡通人物影相
=========
第一個係士迪仔同姐姐(我真係唔知佢叫咩名)
不過小檬叫佢做叮噹,因為都係藍色,=____=

攤位遊戲1
========
總共5個



自我鼓勵

碌蛋蛋
=====



攤位遊戲2
========


贏得大家嘅鼓聲


卡通人物影相
=========
估吓係咩??佢將個眼鏡放喺頭上嘅呢...

登登登...凳~ 就係米老鼠喇! 
小檬而家完全唔驚喇。。不知幾咁開心添

Mi~ck~ey ~ 
M。o。u。s。e 。

睇過mickey mouse clubhouse 就識呢首歌架喇!

可能扮mickey 嘅喺一個女仔,個個細路都冇攬,
淨係同小檬又攬又錫

其實係小檬比佢抽哂水!!

喺4點嘅時候先推呢個出嚟,小檬叫佢做Y (Micke"Y")
我見有其他細嘅小朋友大人陪住都入得去,於是我又抱佢入去。

同爸爸say hi~

跳咗兩吓就走,佢都唔係太like
Bye ~

最後有抽獎,抽咗個mickey mouse 袋同公主顏色筆,都價值百幾嘅。
呢個活動都算好玩嘅,又有啲人物影吓相,
唔算多人,我諗唔係好多人知呱! 
有啲人仲拎埋地墊去野餐添,
下年我地啲blogger可以約埋一齊去吓啦! 

B be @ 2 months

B be 兩個月喇!!
Tks  NT photograhy  for the photo

唔好以為我咁耐冇寫Bbe就唔記得咗佢,
係因為小檬哥哥太多野寫,霸住哂啲版面!
(媽媽已經好努力咁寫寫寫㗎喇..)

而家三個至四個鐘一餐,食緊90ML,唔知算唔算大食呢? 
不過佢就好吸收,隻手仔腳仔已經有節瓜仔喇!
 到blogger gathering 之前果實一兩日我咁啱皮膚敏感,要食藥, 
唔可以餵人奶,所以就已經冇餵人奶喇!
 除咗第一個月之後,都餵得唔係好成功,
又累啦,又小檬黐住啦,又成日出走啦,媽媽又有少少懶惰啦,
不過都叫盡咗力,希望B be唔好嬲媽媽啦!
啱啱上星期算介咗夜奶喇,一教都可以瞓到6~7點

活動能力
會跟住人望,成日想食手手,
呢兩日,我地對住佢笑,同佢玩,佢就識開始識笑,
見到之後真係好開心
雖然經歷過第一個BB對住自己笑,到B be嘅時候,
果種開心滿足嘅感覺都依然好強烈咁感受到!
係咪有啲媽媽好懷念呢種感覺呢?
唔好諗喇,快啲手啦!

開始EE。。RR 漏人講野

佢應該係穩陣派, 沖親屬涼都抓住我地啲衫,好好笑,

睡覺
都叫瞓得好咗,冇之前咁容易醒,可能已經接受哥哥玩玩具啲嘈聲,
臨瞓前都係鍾意人抱吓,可能有工人姐姐,婆婆得閒咗,
好多時都會抱佢睡著咗先放落床。
不過見佢有時都好乖自己瞓喺床仔,所以唔太過份都尤佢地兩個
而家好多時都同哥哥出走,所以我都好似會尤佢補償返。。哈哈

高度57cm 
重量 4.92kgs
生長線50,比哥哥高啲

others:
樣貌: 好多人話似老公多(我自己就唔覺) 
可能係,成個男仔樣,
不過對眼圓碌碌,又唔似佢
鼻仔都係我嘅出品

舅父日本手信

B Be first smile ~ 

You are my sunshine ~

兩個月嘅當日又到明閣食飯
(請留意肥脾脾)


舅父機下嘅肉照
左面?




右面?


定正面靚啲呀?

女呀。。。唔好擘大脾呀。。。

女仔點少得夾仔吖~媽媽都買咗啲夾仔比佢呀。。。
眼仔碌碌, kawaii 呢~ 

好快媽媽就要返工喇,B be要乖乖呀

4.23.2014

Blog Blog BB Gathering @ 佐敦谷

Blog blog BB 又相聚喇, 今次揀咗去佐敦谷公園野餐!

雖然早上陰陰,不過約好哂,我地都一於照去~
出發前,小檬喺停車張叫我幫佢影張相先 ...

一去到就玩吓泡泡先,等我捉啲小朋友合照,
不過唔成功,得4.5個,跌低果個係邊個?
大爺贏在起跑線!!  叻叻~

行開吉吉島,買咗啲貼紙比小朋友們

好難得嘅一張BB合照,齊人頭就算得咗

大家好專心呀

肚B搶劫大爺水水

好爸爸好媽媽嘅背脊!! 

小檬食食食


有佢鍾意嘅藍莓

大合照!! 唔該檬爸! 

食野其間, 小檬好曳,唔食就lur,
話佢唔可以咁就薄皮爆喊! 醜C怪! 

鏡頭一轉,唔知點解小豆會餵小檬飲野。。
(呢包旺旺係小檬喺惠康扭計要買,我唔買應該嚟唔到同大家玩,
不過用家話好甜,大家之後唔好買呀!!)

之後叫佢地拖住手,小檬突然間錫佢隻手仔。。。。真係好好笑!!
 小朋友嘅世界真係好funny

小寶爺爺好記得小檬,於是小檬送個happy face比小寶爺爺,
祝佢早日康復!! 



與小B嘅正經合照
小B好有姐姐風範


晉晉隻眼繼續大過小檬好多

sir滑梯始終都係小朋友最愛

大爺好開心,成日都笑㗎

小心亦亦嘅燒腩仔

好動嘅肚B

好肥美嘅tarebaby


Hi~

Hi ~Hi ~

一家合照


同大爺排排坐

攬頭攬頸嘅好兄弟!

好肉緊, 不過後來太肉緊,兩個碌低咗。。哈哈

你睇大爺真係成日都好開心㗎


睇大爺個樣就知我地大家都好enjoy今日嘅gathering啦!!! 

p.s. 多謝比我偷相嘅大家