Blog Blog BB Gathering @30.06

630 Blog Blog BB Gathering 
順利舉行，多得天公造美，三號風球仲未嚟到!

一早起身，食早餐，買西餅，返上屋企再執好啲用品，
玩一陣就同小檬瞓。 通常你想佢瞓佢就唔瞓, 
小檬, 呀媽好多野整，唔可以遲到,真係會成村人等我架

你唔瞓又冇得玩。。

終於瞓左
落一落街已經好熱，快啲沖過涼，
老公就揸車去對面超級市場買drinks/冰車返嚟，
(查媽，最終都冇網上訂，老公話自己去買好快。。。
天蝎座嘅男仕唔鍾意靠人，鍾意親力親為！！）
(或者叫做C牛一便頸，唔鍾意有啲野可以幫到自己）

煮好粉比小檬等佢起身食。。。（留意其實我地已經冇時間食飯）

兩點喇。。。佢都未醒，冇辦法，唯有叫醒佢！

可能未瞓夠，食咗半碗就唔食！！！！
好，我今日放過你，快啲執好拎啲野落會所先。
(我話不如搵啲爸爸一齊幫手拎咪唔使走兩轉，你拎得咁辛苦，佢話唔使啦，
自己拎喎。。又係唔想麻煩人，好man！)

用九秒九時間求其黐好條banner放好啲野就走！！
喺會所已經收到豬脾媽個電話。。。。

又趕返落去大堂接大家上去
嘩，已經好多人到齊，一時間真係唔知邊個打邊個！！
淨係見到好多未見過但又好面善嘅面孔，
大家好！

都未嚟得切同大家打招呼就要趕大家上L9去會所喇～

大合照

唔好意思，呢張影唔到旻, 不過BBB都有隻腳仔嘅

場面一片混亂又好熱鬧！
之後嘅情況就係各自各精彩

好在都有一張半張有自己份嘅相！
晉晉做乜比豬脾批掙都咁開心？

gathering其中一個焦點就係檸檬茶盒喇。。。
我個仔，喺咁多人嘅情況吓冇啦啦爆喊，
我都唔記得點解，可能未瞓夠?! 好似係我話佢?? 而家超薄皮～
你係咪想現場演繹你啲曳野比啲媽媽睇？！
（佢真係唔話得，一話就係咁。。越來越麻煩）

我地唯有出絕招，檸檬茶盒。

點知就成為一眾BB嘅欣物
招來身邊朋友仔妒忌及羨慕，最被荼毒嘅係燒腩仔~

晉晉＆龍BB:  eee 新野喎。。未見過嘅?!

晉晉：比啖嚟試吓吖!!
小檬：拿，比你試吓喇~
(小檬, 你嘅眼神出賣咗你其實你比得好勉強嘅)

晉晉：比多啖嚟啦!!

小檬：自己chu返啖先

小檬：你又做咩事呀？

龍BB：我最細個好驚架嘛
(晉晉：好好味，偷笑中)
大爺想飲到伸哂利



小檬：等我話你知咩叫人間美味啦!
龍BB：吓？？咩美味呀？？咁深，我唔識架

小檬: 吖大個口啦~

龍BB: 呀~呀~呀~呀~呀~呀~呀~~


突然間殺出一個人如其名嘅燒腩仔（btw我好想咬佢一啖呀！！）

燒腩仔: 呀檬哥，可以比我掂一吓？
(小檬扮吋中)


燒腩仔: 我...我....我忍唔住喇!

龍BB：媽咪，有人同我爭呀

檬媽出現調停，兩個都冇得玩

小檬/燒腩仔: 呀。。。我地盒檸檬茶呀。。。。。!! 

肚B：我喺花瓶，所以冇對白
(燒腩仔呢個表情我個人覺得比起出道早過佢嘅檬哥仲要好，
真係青出於藍!!!! 10分)


最後連小寶都加入戰團
小寶：掂到喇~掂到喇

大爺出場

小檬: 好兄弟，我地又見面喇！！

大爺：喂，莊重啲好喎
小B：該煨囉.....

大爺：你拎咗我嘅檸檬茶，我一定要會羅返
小檬：笠水ing

(呢張我最鍾意，大爺嘅眼神簡單係識演戲咁！！)

5大B~

朗朗想走佬喇

Yin Ma: 哦。。。你地拖手仔!!
小B：邊到呀？



小檬開始有佢嘅朋友圈子，我都應該比啲空間佢地發展一吓！

小豆: 你拖過我，我比個你鍾意嘅檸檬茶盒你吖


另一個焦點就係小檬架車車喇。。。

呢架車嘅受歡迎情度，睇返每一個媽媽嘅post都應該有講就知道!!
唔知道點解啲細B都未知係咩嚟，都好鍾意玩，扶住已經好滿足！
大少少嘅就會爬入去，同歡樂滿東華嘅籌款活動冇分別！

最高紀錄應該係七個B圍住

小檬都係掛住食
(註：呢架車好重，檬pa真係好辛苦拎佢落去架！)

其實我帶咗啲bubble比大家玩，不過已經混亂嘅情況會仲混亂，
所以留喺最後記得又冇咩人嘅時候嘅時候先拎出嚟
(好似演唱會留到最後走嘅就有得睇安歌咁)

小檬／大爺／小草B／朗朗就有得玩！！
小草B明明已經坐喺車車都扶住要玩埋先走


(查媽美子有小檬追bubble可愛照)

睇以下媽媽嘅blog會有更多gathering嘅精彩情況

嘉露
查媽美子(特別推介: 晉晉同小檬呢part真係好正，加埋小檬個嘟咀樣，我比五粒星！！！！！)
Mrs Chu
 忌廉火柴
寧琦聯婚
Tareworker
Ivy小宅女-阿K柑柑愛美小P MaMaBY

sandychan0902

後感：

真係好多謝每一個參與嘅朋友！
令到場面咁熱鬧，咁開心！

多謝你地反應咁熱烈, 冇諗過咁多人參加，
希望下次可以好好同每一個BB影張相同玩吓

同每一個媽媽傾吓講吓

可能真係太多人，雖然會所以話可以容納40人，
但係都有啲焗

食物好似唔係咁夠，但其實唔敢叫咁多，
驚大家都食飽飯嚟。。。又顧住玩B，淨哂就浪費
(爭爭吓，係咪好食啲呢?)

我好似好忙，但係都唔知自己忙咩。。。
雖然我只係發起同大家一齊開個gathering
都叫自己喺主人家呱，點都要照顧一吓人，
但又唔知要照顧啲咩。

做攪手好麻煩，最煩唔喺安排預備野，
而係要照顧到每一個人嘅需要，合每一個人嘅心意，
而呢個諗法係冇可能發生嘅。
不過我只係想大家開心吓，
所以其他嘅野都冇諗咁多。

如果有啲咩做得唔好，希望大家見諒

其實出得最多"力"嘅係檬pa，
佢又去買飲品，拎上拎落，拎車車，拎Pizza hut。。。
大家比啲掌聲檬pa啦！！！多謝你為我地出咗咁多"力"