6.30.2012

bumbo chair ?


11/06 blog 唔知點解之前出唔到

而家佢除左玩手仔之外,而家識得用手捉住腳仔玩添!

好似跳aerobic 咁。。。one more ….two more….three more ~





見過方間有張bumbo chair凳仔,可以教BB坐。。。。聲稱話會教佢坐啱姿勢喎。。。

又好似幾好咁喎, 但其實我地都冇呢啲野,咪又係咁大!
又有聽過有啲BB會自己跳出嚟,又有啲BB會唔鍾意坐(唔鍾意咪"企響度"?到時唔係坐喺度喇)
買。。。定係唔買呢??(我應該支持"唔買"多啲啲啲啲啲, 慳家媽咪)


{呢排啲個blog 又有問題,日期自己變左1970年。。。。大家出post之後要睇睇}

6.29.2012

學吓坐

小檬踏入4個月,已經識轉身,而家扶住企到一陣,

坐未係好穩,拎架麵包超人車車比佢玩,等佢學吓坐先:






我地都有扶住吓不過一陣之後就搖嚟搖去
而家更加要睇實佢

所以又再諗買唔買bumbo chair
尋晚放係墊度,仲識移動添,之前都仲係只停留喺一個位置

從網上揾度啲bb成長嘅資料參考一吓, 當然個個bb都唔同啦~

(copy from web)


  • 轉身 - 三四個月既BB會開始有意欲想翻身,通常練習一個多月就會自己識架喇
  • 爬 - 學識翻轉之後,BB既手手腳腳會開始郁黎郁去學爬,開頭手腳未協調會不斷轉圈,大約一個月到,BB就可以用雙手推自己向前。不過要正式爬 (即係個身離地,只用手腳) 就大約要七八個月先得
  • 坐 - 大約六七個月,BB可以自己坐直,唔使扶住亦唔會再東倒西歪
  • 企 - 通常BB識坐之後,佢地都會嘗試用手捉著D野令自己企起身,一般七八個月識坐果時都可以自己扶著野企到幾秒,佢一識扶住起身,就會慢慢穩定,大約九個月就可以大人扶住企得耐D。要正式自己企定定就要差唔多一歲先得
  • 行 - 大約一歲時候都可以由大人扶住兩隻手行到幾步,過多一個月就可以自己行到幾步,大部份一歲半前都可以自己行到架喇
  • 出牙 - 一般六個月開始會出牙,但係四個月都會有機會出牙,一直至到一歲,都係BB出牙既正常時間
  • 講野 - 六個月既時候會開始依依牙牙,十個月會有叫媽媽或者奶奶既聲音,一歲時可以講到三四個簡單既單字,兩歲就可以講到 一兩 句有名詞同動詞既句子

題外話
小檬大約
3個月時,會夜晚先沖涼(我唔係好怕佢凍 ..

沖完之後玩一陣先食奶,休息一吓就瞓,每日如是者,有個模式,
佢就會知道沖完涼就食,食完就瞓,所以放喺床仔好快就瞓著

如果你BB成日夜晚唔肯瞓,試吓咁樣, 睇吓workwork!
不過我諗起碼佢有三四個月先得!

6.26.2012

小檬檬生活照 4M-6M (個人篇)

其實我同小檬影左好多相架,但之前真係未有時間好好咁整理,
IP,大機,細機,又video,上方星期終於叫好好執一執,不過都仲要一路backup住!

分享一吓小檬嘅相先:

剛4個月時



我啲friends


媽咪可唔可以唔影我啲衰樣呀?


瞓醒出街前檬樣



眼大大

趴地檬

檬檬囧樣,超得意
(證明媽媽永遠都覺得自己個仔得意!)


媽咪: 我返學喇!! (試咩中)

正宗麵包超人
(咁啱又著pingu紅色衫連褲仔)


同表哥玩(其實表哥冇理過佢)




扮cool啲先


放工返嚟,同佢玩就笑到咁




送父親節禮物比爸爸,yeah!


剪完頭髮傻瓜樣


多謝收睇

小檬5個月喇!


又一個月,真係眨眼都冇咁快,

小檬BB已經5
個月喇!  



 
又係回顧時間:

l   樣貌   

大個仔左d, 好似已經唔係BB, 頭髮長左,忍唔住同佢去左剪髮。小檬兩個轉,頭髮成日飛起~

l   社交技巧

都係好多野講,好多聲氣,我地放工返到屋企佢會好開心,好鍾意笑,好鍾意玩,笑到gi gi

錫佢肚仔,面仔,腳仔,佢都會笑 (基本上佢成日笑)
開始識認人,同婆婆玩緊,見到我放工返到嚟會嗲我,扭計要我抱,一抱即笑,媽媽心甜哂!
出到街週圍望,肚餓眼瞓都唔記得哂!陌生人同佢講嘢就眼定定

l   肌能活動

條頸仔已經夠力,唔使好似之前咁就住,學左反身之後都好鍾意反,差唔多未放到落地已經反左,真係要睇實!
應該識坐先識爬,但坐好似未有係好穩陣

patpat已經識疙起,腳仔撐吓撐吓想爬,但未識~ 扶住佢可以企好耐,教佢行,佢會好開心,自己拎起腳仔行。。。

拎住玩具,都好穩,掉左會自己去執返,當然我地有輔助佢

l   食奶

奶量多左, 150m l -180m l, 已經好耐冇出風筒,大部分時間都乖乖自己食完,  肚餓時會推我哋隻手埋去,有時會鍾意自己揸奶樽,當然未揸得叻,扮哂野!會好煩,整到週圍都係,不過見到佢咁開心,又甜哂



l   便便

好正常, 日日都有。(有次媽媽抹抹吓pat 搽緊白色嘅cream,突然cream變成綠綠地色嘅cream。。。。。。好驚~)

l   重量

@ 4M 14D Dr Lau

體重 5.97kgs ( 13.16l bs)

身高62cm頭圍40cm

l   健康

月頭有啲鼻水,睇完醫生反而驚餐懵!好彩最後冇事!


整體嚟講,而家小檬好好湊(咪講),又乖,又成日笑,氹得人好開心!

媽媽錫哂!!













6.22.2012

呻吓……

我要呻吓……

 我明白佢想嚟睇吓呀B,但都唔使喺呀B瞓緊果時整醒佢,等佢同你玩,
我地個個,婆婆/舅父見BB瞓左,行步路關門都細聲啲,當然又唔係話咩聲都唔得,
但至少我地唔會特別燈整醒佢

我明你想同佢玩,但大人係咪唔應該淨係顧自己嘅私欲,而唔理佢瞓緊呢??
係人都知BB瞓教最緊要, 點解要整醒佢呢??

(其實點解呢個家庭角色會最多問題發生呢???)

{呻完}

6.19.2012

至愛小檬髮型選舉 {結果公佈}

{19.06.2012}.

有結果喇:

No.2   5票
No. 4   11票
No.5    7票
No.6    3票

No. 4 成為大家最愛嘅髮型

(其實No2 同 No 4 係同一日影架)


{07.06.2012}

如果大家仲記得小檬出世個樣嘅話,應該都會知道佢出世已經好多頭髮!
(攝於Day17)




一出世頭髮已經烏卒卒,原來果時未算多,而家頭髮長左仲可以分界添!!
我有檬檬時都冇特別食芝麻餬, 都好後期先有食,
我同爸爸細個嘅時候多係多頭髮,仲要係攣毛嘅!

每晚同佢沖完涼洗完頭,梳好個髮型,第二日就係果個樣!
有晚放工返到去仲比婆婆整左個雞冠頭(婆婆改嘅名)

檬檬係兩個轉架,所以後面果執成日飛起,媽媽都過幫佢分唔同界,
睇吓點樣會冇咁飛

睇返啲相,佢都算勁,人仔細細就試咁多個唔同嘅造形

你又最鍾意小檬邊個髮型呢?




Hair Cut

好多朋友都問我會唔會同BB剃頭,其實我真係唔捨得,
如果BB冇咩頭髮都可能會, 橫掂都係喇~
但而家小檬啲頭髮都OK(托賴) 所以都唔剃喇,
不過小檬頭髮越嚟越長,都要去剪吓


我同老公都係搵呢個髮型師姐姐剪髮架,佢都剪左我地唔同嘅階段,
小檬去到髮型屋都好好奇周圍望,其他啲髮型師都走過嚟同佢玩 ,

剪髮前後




剪髮過程都算順利,小檬都冇話唔肯
(有時幫佢梳頭都唔肯,扭嚟扭去),又冇喊,
淨係傻吓傻吓咁望住呀妹(髮型師),呀妹姐姐同佢講野就笑,
乖乖~

剪左之後成個傻豬咁~




是日收費:免費,多謝呀妹姐姐同老闆!

6.18.2012

父親節 ~ 母親節

前言:
 生左BB之後就好期待自己第一個嘅母親節,
因為由細大都會幫媽媽慶祝,其實都唔係有啲咩慶祝活動,細細個果時只係會同哥哥落街買支康乃馨(真係一支!)
覺得呢一日做媽媽嘅會好有感覺,自己都覺得好溫馨。
所以到自己做左媽媽都會特別期待,雖然小檬未識亦未會做啲咩,
亦唔係要啲咩禮物,第時可能錫我一啖已經好滿足!
今年嘅母親節,爸爸同左我及同埋小檬婆婆嫲嫲去左飲茶,唔。。。。冇咩感覺
後冇安排啲咩節日,去左探朋友個剛出世嘅細仔,唔。。。。冇咩感覺
好似平時放假咁。冇出去食飯,因為唔想咁多人,
簡簡單單買食魚蛋粉返屋企同埋藏婆婆一齊食就算。
老公送左一個我唔鍾意嘅牌子嘅袋仔比我做禮物,個size又唔知想點。。。。唔,我唔係要物質,
就算係要,都唔好要一個我唔鍾意嘅牌子吖
仲要我加錢換另一size先叫可以用得到, X交叉Y~

我明白一家人係埋一齊已經好滿足, 但其實呢排檬檬爸爸激親我,所以我先唔係咁開心。。。
唉, 又開始思覺失調!

算啦,既然係咁,等我比返第一個難忘嘅父親節比爸爸你啦!

之前已經諗住買部電話比爸爸,等佢可以幫檬檬影多啲靚相同拍片,佢部IP 3S 已經夠期
於是新款出左之後就訂,好彩剛剛夠時間取到新貨! 

星期五取到電話後,趁爸爸未返,喺婆婆屋企, 快啲叫小檬攬住個電話影張相

婆婆見到佢咁又笑到傻左。

之後就將呢張相放入電話做wallpaper,


等爸爸一開機就見到
再入埋呢張情深說話入去做開機畫面


星期六晚上,小檬如常沖涼,食奶,玩一陣之後瞓教,通常都係我同小檬瞓教,拍吓拍吓,睇吓轉轉轉之後就瞓著。
我將電話放入小檬嘅睡袋入面,之後叫老公同佢瞓,我話我去沖涼先,諗住等佢睇到,
我已經放喺心口位,點知成個盒, 成舊野咁凸出嚟佢都睇唔到!!


老公只係瞓喺床到睇住佢,我話拍吓佢啦,佢話得架喇,佢自己會瞓架喇。。。。
之後我唯有話沖完涼入房要執吓衫,開返燈,等佢看得清楚啲個仔,點知都係唔得,
我又話:吖,佢手仔唔知凍唔凍呢,我叫佢摸吓,點知摸完兩邊都唔見, 唔通男人就係咁唔細心,
呀仔個心口突然有胸肌激凸都唔見到 ??? Oh NO~
呢個時候佢仲開始瞓埋添!

 於是我話我上吓網先瞓,你瞓先,好彩佢背住我,我唯有摸吓檬檬手仔,等佢醒,或者喊,
等佢去安撫佢,點知呀仔眼瞓得滯,點整都係郁吓郁吓又瞓返。當然因為我唔係咁大力啦)
真係比你兩個激C!!  唉。。。。。。真係冇哂辦法,
唯有將個盒放返喺腳仔下面,唔使銀住佢瞓。等第二朝

6點幾,檬檬肚餓叫,爸爸出左去準備,我就將個盒放返喺檬檬心口,爸爸返嚟一打開,
終於見到喇!!!
Papa: 哇。。。。點解嘅??
 哈哈!!今次終於成功喇!!

小檬papa:以後可以同你嘅寶貝仔影多啲相放喺電話到喇!
以後嘅父親節,我同小檬都會令你幸福快樂。