與小檬食食食

之前檬檬再細個啲，我地都好多時同佢出街，出街最怕佢無啦啦喊，
食奶又扭，冇風筒聲又唔得（連IP版本都唔得）

而家大個左啲，都好放心, 暫時都未試過喺餐廳或者酒褸到爆喊~
不過有時啲餐廳太窄，真係連BB車都放唔落，

所以我地都盡量揀食酒樓食中菜，
位置大啲舒服啲! 或者如果唔係，唯有單手抱住佢



我地仲去食過海鮮，唯有一個用手食，

一個只用筷子食，以防佢突然扭計要抱吓!!!!

唯一唔敢去嘅就係打邊爐，雖然我同老公都好鍾意打邊爐架！！！
但實在太危險喇!!! 唯有揾日自己兩個人去食啦！！
唔好嬲我地呀小檬!!!

我對契仔契女（龍鳳胎）細個果時，

佢地呀爸爸媽媽試過喺屋企食飯食到十一糖點幾添！
所以有個B真係食餐飯都好辛苦!!!!

小檬的Anpanman 玩具用品

我已經唔記得左幾時我老公鍾意左麵包超人, 蜜月時候，
喺日本未有BB時已經買買買。

大合照

仲有啲啲喺婆婆屋企

圍裙 (較軟身嘅)


洗頭用

圍裙 (較軟身嘅)

學行手推車，一個價錢三種玩法
識坐時可以坐喺度玩，
學行可以當手推車，
再大啲又可以做車車坐，不過要自己郁~~哈哈

呢件口水肩同包片褲仔，好得意。

我諗小檬著起一定好得意！

仲有呢個毛巾公仔，啱哂佢喺床仔玩，bb好鍾意眼瞓lui毛巾，lui吓lui吓好快瞓著
你睇佢幾鍾意望住pooh pooh 轉轉轉！

而家行親街見到得意玩具用品都好想買比佢！
（我諗女仔仲多靚衫要買）

媽媽又多個藉口買買買喇 !!

4合1 第二針+肺炎鏈球菌第二針 @ 母嬰健康院

前日和小檬檬去健康院打針，今次打4合1 第二針和肺炎鏈球菌第二針。

上午繼續返工，放工同老公食左個高貴少少幾嘅lunch 之後先返婆婆到接小檬

去到登記之後等叫名，爸爸同我地影吓相，
點知嬸嬸話唔比影相喎。。。吓點解呢？

到我地，過左兩個月之後，唔使除片，不過要乾片，
幫小檬除左衫之後，發現佢片片已經濕左，
吓。。。出嚟先換完，差不多15分鐘咋喎！
我啲片片又放左喺車，冇拎上嚟，諗住真係冇咁快架嘛…..
唔理喇，照磅，好彩姑娘冇發現！

而家檬檬嘅重量係12lbs，姑娘話佢好努力咁跟住條3號線咁生長，
姑娘話你兩個細細個都係細細粒，應該係基因遺傳，
只要佢姑娘話你兩個細個果時都係細細粒，應該係基因遺傳，
只要佢肯食，肯瞓，肯玩，有便便就得!
冇錯，只要佢健康快樂就得!!

今次要打兩支，打完一支已經喊喊喊，
再打完另外一支又喊喊喊，
之前仲叻仔啲，唔知係咪詐嬌~
喊喊喊，唯有比ABC佢睇，真係萬試萬靈！即刻收聲!
唉，果時我同人講，我唔會比佢咁細個睇啲電子產品，
到最後都係要屈服！媽媽真冇用~
今次都係有可能發燒，耳仔探望38度就要食退燒藥，
又要check 住check住喇!

姑娘亦比6個月嘅BB就可以嘗試食固體食物，
姑娘亦比左啲書仔我地教我地點做，

我覺得好好呀，每個階段都有人提我地，教我地要做啲咩
仲可以比婆婆一齊睇添，新手媽媽都可輕鬆啲~

奶媽榮休

奶媽要榮休喇！

小檬食人奶到差不多四個月，即上兩個星期先正式冇食，轉為全奶粉。

小檬一出世第二日就喺媽媽心口啜啜 (感激冇黃唔使照燈)
佢啜得可好好，個咀仔係鯉魚咀，兩邊咀唇反開!

第一次餵奶嘅時候，果一刻我同小檬講，我就係你媽媽呀!!
抱住佢果刻，個世界好似只有我同佢!（連爸爸都唔放在眼內）
呢種感覺真係好難忘，覺得自己真係可以盡到做媽媽先可以盡嘅責任，
啲心心同眼珠上嘅閃閃直情恿哂出嚟!

之後返左屋企，繼續餵小檬，奶媽生涯果種辛苦，真係非筆墨可以形容!
身體又未復元，手又痛。。。之前已經講過，
簡單一句，好辛苦但都好值得。

touch wood 到而家小檬都好健康，冇病痛（”咪講”。。。我地一話，婆婆就話”咪講”）
雖然我到最後階段已經唔係全人奶，有補奶粉,但都餵到三個幾月, 已經覺得好欣慰。

因為可以餵人奶已經係好幸運~
要媽媽BB健康
如果媽媽病左，食藥,就唔餵得架喇，好彩大肚之後都未病過（咪講~）,
感激BB冇黃唔使照燈入箱, 如果唔係又冇得餵住架喇（咪講~）
老公支持
感激老公三更半夜凍冰冰都起身陪我以示支持
我想放棄時，佢同我講，媽媽舒適健康都好重要，
我想繼續時，佢又會話想繼續就繼續
(媽媽果時一時一樣)
家人支持
感謝嫲嫲婆婆各三姑六婆沒有說東說西打擊我餵奶心情及餵奶嘅堅持,
公司同事支持體諒
 感激公司同工作性質都可以配合到，感激上司及assistant都很支持有以上嘅先可以比我餵到檬檬,，媽媽真係會珍惜每一滴
（媽媽都試過，倒瀉左少少而喊）!!

那些餵BB半年到一歲或者兩歲嘅媽媽，真係衷心佩服！
尤其在職嘅奶媽，更加辛苦，又要顧住自己工作，又要顧住泵奶，
喺公司泵奶，呢頭坐定，果頭又行開, 成日行來行去，會覺得自己風塵僕僕。。。
放個盒仔喺雪櫃到，又會有啲同事覺得我阻住佢地放飯盒
（咁當我都喺放飯盒，得唔得？)

算，呢啲都係小事, 餵奶更加辛苦我都頂到!
(媽媽力量~~)

各位準備餵人奶及餵緊人奶嘅媽媽

小檬B ~4個月大喇!

小檬B 4個月大喇～

(其實已經係眼瞓樣)

開始有啲唔捨得佢大得咁快，
我真係覺得佢好可愛，好得意，好鍾意，好愛佢呀！！！！！
所有BB喺媽媽心目中都係最好架！！(媽媽好肉緊~~~)
我要冷靜啲。。。

又回顧一吓先:

• 樣貌  
好似冇咩太大改變，不過比起之前好似大個仔左啲。
而家大多數人話佢似媽媽，爸爸d有d朋友話似爸爸。
總結嚟講佢都好識似，似我咀仔細，下爸尖尖。眼大大就兩個都似，不過應該似爸爸啲，因我雙眼皮勁啲，而小檬就內雙眼皮。
耳仔就仲靚過我地!
 凸額~婆婆話聰明喎，真係叻，我同爸爸都唔係，佢自己就變成凸額!

• 社交技巧
同佢傾計, 佢都好多回應, 好多聲氣, 有時捉住我手都傾得一餐
唔會無端端扭計，就算眼瞓都係捽吓眼仔，食吓手指，然後放佢喺床仔，就好快瞓，唔會扭眼瞓,。有就比佢聽吓音樂，睇吓轉轉轉, 氹吓佢就好快瞓到，完全唔使煩, 而家真係安樂哂!
會望住我揾我，試過我坐喺電腦檯佢個頭係咁令轉揾我，同我笑，果刻真係好開心，好似好掛住我咁！
知道我地話佢，試過爸爸擒住佢手仔，唔比佢食手手，佢即刻發哂脾氣，大喊!!! 對腳撐到行哂！ 結果係由我氹返（慈母。。。）

•  肌能活動
開始知道手仔嘅存在，舉高對手，望吓望吓，喺到欣賞！
會食手手, 食到dap dap 聲, 不過睇過啲兒科醫生話呢啲係佢嘅一部分，所以唔使特別介食
比啲玩具佢拎住，都穩
反身後，頭仔抬到，都OK穩。但未識爬，自己累會反瞓返低
扶住坐已經OK。條頸硬淨左, 不過媽媽都會托住吓 (驚青媽媽~)

• 食奶
奶量keep住差不多120-150ml
但食奶叻左!!!!! 之前一定要風筒聲，而家大部分時間唔使都得，佢好明顯係鍾意瞓教多過食，有時明明差不多時間，但如果佢眼瞓，佢都堅持唔食要瞓！

• 便便
好正常, 日日都有。

重量
又墜手左，不過未去健康院磅重

身長
 未去健康院

健康
都OK(感謝)
不都手拗位可能係出汗，有啲紅, 搽左瑞士寶寶支cream好返 (我地已經成日開冷氣比佢，都有？!!)

小檬要加油呀!!!!媽媽錫哂你~~~~~

感激。我的一切

昨天太忙了，今天補回。

上年這天，剛發現有小BB在肚內，仍記得知道時那刻心卜卜跳嘅感覺，
真的好興奮/ 緊張。
時間真係過得快，到一年後的今天，小BB已經是會笑會喊的小B了！

幸運地，大半年嘅懷孕時間都過得舒服，生BB嘅時候亦沒有傳說中的十級痛楚，
而且亦得到老公,家人,朋友,同事的對媽媽的關懷照顧，及對小B的愛錫!

這一刻， 真的很感激!
希望每位準媽媽或者現任媽媽都同樣幸福快樂！

附上小檬的近照一張

 

仁安湊B資料

喺醫院時，見到有啲湊BB嘅資料可以同大家分享吓

藍色呢段相信大家會最關心，我打出嚟啦：
可以常常抱BB嗎？
好很多父母擔心多抱BB會寵壞他，令他變得黐身
其實初生嬰兒哭是出於本能嘅需要, 還未懂得撒嬌,
所以，毋需擔心會寵壞他,
反而抱抱bb能滿足他的需要,
令他感受到你的關注, 增加他的安全感
這樣做有助孩子日後情緒均衡發展
亦可增進親子感情