11.23.2009

Pre-wedding photo @ Zara bride ~ 揀相篇

上星期三請了半天假 2:30 到達 zara bride 揀相,坐到7:30 終於完成..total
揀咗110相(我都唔知係咪好多) 本身個plan包45張相.

相片都是在電腦上, 我們共影了310張, 首先好快播影片的給我們看看整輯相,
然後我們便進行第一輪挑選,剩下200多張,
再從中挑選,輯相Arden影得好好, 不愧為大師!

其實仲有些可以揀的,但有些男友笑容不好或牽強,所以沒有揀了(可能是男友策略),
由於我們的套餐只包45張相, extra 的相便要計錢!

由於之前book dickie的,所以佢哋都有啲offer俾我哋.我哋R咗張14"水晶相/magazine 
32頁相薄,extra買相都有平咗.但R得好辛苦...

sales 亦有介紹他們最新的"金礸"及"閃礸"相簿, "金礸"要加$7600 !!!! 
(即相薄面用swaroski貼上圖案), 嘩...$7600 有的太貴了!!
 雖然好靚,但實在太貴! 當然不加啦!

下個月才有美編!

p.s.我都有影到相呀...



11.17.2009

揀相

明天就去揀相了,只有我倆去,其實應又應該帶同其他人一起去呢?

想過找朋友,可以冷卻揀得太多相的熱情.
但又驚想揀的被朋友潑冷水...

想過找哥哥,因他也是攝影發燒友,可以幫忙看看哪些不應該揀,
避免用了錢買欠水準的相,但又驚他太挑剔,結果揀不到
 (雖然我對arden的技術有信心)

還是應該随心呢???

11.12.2009

Pre wedding photo @ 羅浮宮 ~ 取相

今日放工回來,羅浮宮的相已經送到家了
(諗緊用唔用張簽名布)



pocket size album


只買了21張相,貴精不貴多
















之前說過喜歡這張, 但門柄.....




因不喜歡standard shot, 這張是自己要求的

加effect 相,都幾得意 

11.10.2009

一年.一個月.一星期.一日

還有一年一個月一星期一日就到我的大日子, 
原來日子眞的過得很快!! 希望之後一切順利!

今天和媽媽吃飯,談到近日她很多親戚朋友請飲, 
得悉她出年要嫁女(即是我), 便紛紛叮囑要她請飲,我媽媽人緣極佳,
而今次就是我家首次辦喜事 (哥哥仍未結婚)所以媽媽難免會特別開心. 
但字裡行間說也不會個個也請,怕不夠位......
我知她不想增添我們煩惱...
當然我亦想她開心

原來請飲最煩就是這些.....

11.07.2009

Pre Wedding photo @ Zara Bride ~ Photo Day 大潭+聖士提反灣+1881

續...

在石澳換好衫轉埋頭,頭飾用咗我帶去的蝴蝶
(我喺深圳見到靚買嘅,Heidi都想買返隻比客用),顏色出奇地襯.
男友都買咗份蛋治比我同Heidi在途中食,
好快就到大潭水霸,Arden又叫我企响邊邊影...可能有些少石澳的陰影,真係有啲驚! 
仲有件衫無改到眞係完全唔掂..影相會走來走去, 個身郁來郁去, 
就算Heidi 同我貼哂膠紙都係走哂光! 唯有希望影唔到走光啦!

影完水霸就行去影木橋,咦..條木橋中間有一截沉咗落水嘅 ?! 
司機話啲人唔想咁多人响度影相,於是解開部份浮桶,等條橋沈落去,但我實在太想影木橋,
 於是Issac 好主動除鞋試吓條橋踩落去實唔實,試咗ok後男友就除鞋落去,
跟住就到我, 咁難得梗係影多兩張啦!!! 
最衰無得影,眞係好驚險!

跟住我哋就去聖士提反灣, 去到已經天黑黑了,
影完沙灘已經有啲累...再去換衫轉頭,然後就去1881.

第一次着住晚裝在鬧市出現,好駑!! 佢哋同我講當自己拍廣告.哈哈
1881的夜景眞係好靚! 但當晚溥儀眼鏡grand opening ,所以有少少景影唔到
不過上面餐廳的景眞係好靚!! 相信如果遲啲太多人影就會趕!

影完就返去影Stuido..我哋開始冇電,表情都唔係咁聽話!!!

最後影到10:30 終於完成!!!

Pre Wedding photo @ Zara Bride ~ Photo Day 石澳

續...

石澳

耳環: 私伙 . 頭飾: zara bride

化妝過程尚算順利,我做足功課, 比哂自己想整的頭給Heidi看,聽取埋她的意見就set 好第一個頭.差不多完成的時候,Arden 出來企响度,望住我整頭...攪到我好緊張!!

Heidi同我講Arden對個妝同個頭都好重視, 所以她們同Arden 出去外影壓力都大啲!

打過招呼後,原本先影影樓的我們便轉軚爭取時間出去外影! 出發時己經12點, 在Studio 足足攪咗2個半鐘!

我哋第一站去石澳,去到泊好車後,Arden/Isaac/Heidi (我哋加錢Heidi外出的) 便一齊行去石灘,Arden 一馬當先行到石灘邊,之後就叫我行出去邊邊的大石上.......仲叫我換上高高高跟鞋!!!!! 然後又叫我拿着這件飄逸婚紗的尾,扮飄逸 !!! 嘩....唔夠90磅的我再加埋呢塊布, 成個"風帆"吹到我搖吓搖吓, 我差啲啲就企唔穩跌落去...眞係嚇死我!! Arden 見到我個樣都咁可憐就影多兩張就算!

影完石灘/行去藍色橋/再影顏色屋, 影到4點我同Heidi 就去換影轉妝,男仕們就去咗食麵,我們攪掂出末,佢哋就返來,我們第二站去欣澳,男友同我講Arden話如果堅持去欣澳便影得少些相, 因去到都5點多.我完全相信Arden 的專業意見,於是我哋就改去Arden 建議的大潭水霸同聖士提反灣...

待續.....

11.06.2009

Pre Wedding photo - Zara Bride Photo Day

於都完成第二輯的 Pre-wedding photo!!

2nd day photo day

由於轉天氣鼻敏感,7:30一早起身又繼續流鼻水,天氣眞係涼了很多!! 
我己經準備帶備件冷衫出去影相穿,否則我相信未影到一半我就已經病倒了! 
好友叫我買排鼻敏感藥,好在去到T.S.T 有間藥房巳經開門,
入到去我其實己經辛苦到唔記得個藥名係乜,淨係話比佢知鼻敏感要止鼻水,
食完早餐,食埋藥便差不多9:30到xara bride 門口, 居然冇人!
 打咗電話,過咗一陣 Heidi 便落嚟接我哋,上到去.嘩.已經有2pair 8:30 到的新人到咗
門口的梳化就兩位新郎坐緊,兩位新娘呢,就仲化緊妝,
我哋上到去眞係唔知坐去邊,仲攞住三袋物品,最後唯有坐在更衣室門口的櫈仔
 (我都駑緊男友會黑面)

之後,我先試fitting,首先婚紗,穿好nu bra
,(再要讚讚佢哋個nu bra雖然貴但效果真係好好!)穿上婚紗....
咦,點解件婚紗好似唔係我最後揀果件嘅?! 而係我最初揀果件
但後來我改咗嘛..Heidi 即刻叫人去問問,佢話我哋影Studio先,
11:00 下面Shop 有人就可以塭番啱果件比我 (咁件衫即係冇改啦!)

於是我就試埋其他先,黑白晚裝OK! 飄逸婚紗OK! 到綠色晚裝....
唉..完全鬆到暈!呢件衫我都知我咁細粒好難carry, 
但自己鍾而其他又揀唔到,諗住改埋條帶應該會好些, 點知而家改都冇改過!!!!!! 
有乜可能會咁??!! Heidi 又即刻叫改衫呀姐來研究.....
你一句,我一句,我都唔係好嬲,淨係諗點會咁??

最後終於試完,可以有位化妝,我帶去的安瓶冇用喺面,用咗喺身,
因Heidi 話我果支好易起一撻撻,最後我都有用他們的水分/控油打底.
我用落身的打底又真係一撻撻, 其實都預咗佢哋的打底貴,
但叫做佢哋用開,個妝效果好都好緊要!

待續....

11.05.2009

Pre Wedding photo - Xara Bride 最後準備

終於都完成第二輯的 Pre-wedding photo!!

為了pre-wedding photo, 請了三曰大假

大假 1st day    02/11

之前在Xara Bride 揀好衫後就問他們可否看看配襯的首飾頭飾
當然他們都說不用擔心,每套衫都有自己配襯好的首飾頭飾…..(下刪一百字),
因自覺有靚衫都一定要有合心意的首飾頭飾,所以堅持要看看才安心!! 
所以呢日就走去看看, sales姐姐只取了數件給我看,
因部份巳給取走外影,正如其他姊妹所說, 首飾頭飾只是一般… 
幸好我知自己一定揀唔到, 所以一早巳預備好每套衫的首飾頭飾!

由於我的指甲很脆弱, 很難留長之後便去整指甲
今次我貼了假甲,效果都ok.但原來不是每隻有石的假甲片都合我的指甲形
所以貼好後只有中指及無名指有石, 其他的唯有再加$$$黐石!




(原來貼假甲要20日後才可用藥水浸甲脫落
太短時間會好傷真甲同好實..好難甩!)

之後便去Trinice 取花球, 但突然間轉天氣, 越來越凍, 又大風.
.我又鼻敏感,又流鼻水.. 不停打乞嗤!

..點解會咁好彩聽日返風!!!

十 一 月 三 日 ( 星 期 二 )
風   : 北 至 東 北 風 5 至 6 級 。
天 氣 : 天 晴 及 非 常 乾 燥 。
氣 溫 : 16 至 23 度 。
相 對 濕 度 : 百 分 之 30 至 50


真擔心怎樣一路流鼻水, 一路影靚相呢?? , 唯有快些回家full mask, 
收拾束西, 早些睡, 希望唔好再流鼻水, 可以影輯靚相啦!!

新娘愛鬥大

男友喜愛看碟,(其實只是買碟, 因買了亦沒有時間看), 
前陣子,終於和他揀了一套 "新娘愛鬥大"看,故事是兩小無猜的閨中密友,
一向情如姊妹,誰不知她倆的婚禮鐵定於同一天舉行;為了爭贏出嫁的夢幻場地,
不惜出盡怪招,鬥型鬥派頭,爭場爭崩頭!好友反目成仇.....

女人當然想在的婚禮上與眾不同,尤其兩位主角有一班common friend,
大家要在同一日到同一婚宴場地,亦會不知所措,
所以主角面對自己的夢幻場地 姊妹也沒情講!  

今天收到一位閨中密友的喜訊,她亦會於出年結婚,眞替她高興!
(相信我們不會因爭場而鬧交!哈哈!)

作為要好的朋友, 以往的提點/經歷相信你亦記得,但你要記著
,你今次一定要200% 肯定他是你所愛的人, 真的想想沒有他人的意見
,你自己亦有與他結婚的想法,眞的正如你自已所說,
不要為誰才結婚,因眞正要和他相處,過下一輩子的是你!

以往曾經向我投訴對他的不滿,記著要好好徹底解決!!!!
不要變成日後兩人之間的問題 !! 我也明白忠言逆耳, 
但我是衷心希望你可以幸福快樂!!

祝福你!!!